年初一

大年初一既第一餐!!!

大年初一, 唔駛拜年, 冇所事事係屋企休息下, 訓到十一, 二點先起身, 爽呀!! 不過, 阿姨交帶落, 新年期間佢同媽媽一齊上去大陸玩, 呢段期間要是但搵日上去佢屋企幫手餵餵佢d魚! 其實阿姨同老媽每年新年都會返大陸一齊玩, 所以每年既年初一或二, 去一間空了了既屋企拜年(兼餵魚), 已經成為左我每年必做既事!! 阿姨家住上水, 訓醒之後, 係屋企游左一陣就出發去上水, 今年天氣特別凍, 入到上水, 真係有feel到d寒氣可以穿過條牛仔褲入到對腳度!!

老練咁遠入到黎上水, 冇理由餵完魚就閃架, 諗住係阿姨屋企睇陣電視hea一陣先走返出黎, 唉, 不過, 新年流流, 電視都係得個d慶年節目睇, 悶到嘔, 今年賀歲杯又冇咩睇頭!!! 橫掂陣間, 約左友伴的Family食Tea, 上水出市區路程遙遠, 都係早d出去!!

食Tea選擇左去Pizza Hut食, 可能大年初一再加上係下午茶時間既關係, 成間食店都唔係好多人, 冷清清的!!! 食過下午茶後, 友伴與Family就回歸家攻打四方城, 我就單拖回家享受一個人獨享屋企之樂啦!!

正如下午時候一樣, 新年流流電視台都係冇咩野好睇, 所以就搵下有咩DVD睇下啦, 發現之前去深圳玩個時, 買左隻"不能說的秘密"仲未睇, 岩晒呢個時候出現, 可以當你做賀歲片都唔錯!! 夜麻麻, 一條友係屋企, 食住個公仔麵, 蓋住張大被睇DVD, 人生一大樂事也!! 就係咁, 我就過左我個年初一啦!!