RSS Feed (xml)
開心時刻開始啦!!
我既全年通行證 + 生日章
迪迪尼工作人員係掃地期間, 用枯葉砌左個米奇老鼠個logo出黎!!上星期918乃本人生日, Anna早在成個月前已經提議係我生日正日個時去迪迪尼慶祝我生日, 仲話到時會買全年通行證, 咁遲D我地得閒就可以去迪迪尼玩啦!! 原先諗住18號當日到迪迪尼門口先買全年通行證, 就係搭緊地鐵去迪迪尼途中, Anna突然拎左份全年通行證送俾我, 原來Anna好有心思, 佢早在前一日已經去左香港站既迪迪尼專櫃買左呢set套票, 特登俾個驚喜我, 哈, 實在太開心啦!!
之後, 我地當然係浩浩蕩蕩咁入去迪迪尼啦, 其實朝早個時臨出門口個突然落好鬼大雨, 仲要有行雷, 幾驚今日開心之旅去唔成, 我驚死仲特登拎把大傘出街, 好彩天公做美, 出左門口之後, 個天都算慢慢放晴, 雖然係有少少熱, 不過起碼唔駛怕落雨呀!! 好啦, 講返今次生日之旅先, 原來買左全年通行證既話, 首次使用既時候, 要係入閘機個度用手指模黎確認身份, 咁以後即使有人執到你個張通行證都用唔到啦!!
合手恭喜~~
再黎攬頭攬頸!!既然係我生日正日黎到迪迪尼就當然要去拎返個生日章出去威威啦, (只要你係正日生日到迪迪尼玩, 只要出示証明你係當日生日, 迪迪尼就會送你一個生日章, 只要你扣住呢個章係迪迪尼入面玩, 入面既工作人只就會同你講生日快樂, 當然啦, 其他既迪迪尼主角都會同你打招呼祝你生日快樂)!! 拎完生日章之後, 咁岩隔離就有隻唐老鴨同人影緊相, 我地見人少少咪立即上去排隊影相羅, 哈, 到我地影相個時, 唐老鴨見到我個生日章就立即彈後幾步, 即刻向我合手作恭喜手勢, 又大大力攬實我, 真係好攪笑, 不過後尾自己諗諗下, 其實套唐老鴨衫入面o個個人應該係麻甩佬黎架, 點解我俾個麻甩佬攬住仲可以咁開心!!
好景不常, 就係同唐老鴨影完相之後, 發現自己部相機居然冇電, 枉我一世聰明, 我明明已經係前日, 特登過晒D相入電腦, 而且再差爆電, 點知天意弄人, 居然突然間冇電, 幸好呢個世界上有手機就等於有相機, 雖然同相機影出黎既相係就差咁d, 不過總算係聊勝於無!! 收拾心情, 再一次出發玩羅, 由於當日係閒日既關係, 基本上都唔係特別多人, 所以呢我地就可以好快咁玩左幾款機動遊戲, 仲係講緊完全係唔駛排隊個隻喎, 一行入去就有得玩, 又唔駛拎定d fastpass, 完全超good, 平日去果然係有平日去既好處!! 話咁快就玩完"明日世界"個幾款遊戲!! 其中有個係同"史迪仔傾計"既遊戲, 我不嬲都幾欣賞佢既工作人員既即時反應, 如果大家都玩過都知佢會係同現場既人傾下計, 講下笑, 今次我同Anna入去, Anna有幸可以同佢做到傾計對象, 哈, 個史迪仔居然當住咁多人面前話佢愛Anna, 仲叫Anna飛左我, 真係好好笑!!
小小世界, 其實入面都幾光下, 不過我部相(手)機都係影唔到!!
腸仔三文魚撈麵~~
三文治+蛋x2+馬仔玩完之後, 我地就去"小小世界", 上次黎個時都仲未開, 依家開左, 就當然要去昅一昅啦!! 第一次黎小小世界, 原來係坐係個船仔度睇下全世界既特色風景, 加上去到不同既國家就播用返當地既語言唱返首"世界真細小", 即係去到泰國就會聽到泰文版既"世界真細小", 都幾得意下, 不過聽Anna講, 佢之前去過法國個迪迪尼, 佢話對比香港既"航程"就會短左少少!!! 玩完肚餓係時候食lunch, 今次我就自己準備左兩盒午餐盒, 係朝早起身prepare, 咁就唔駛係入面食埋d貴又唔好食既野啦!!
巡遊~~
High school表演~~之後再睇下巡遊呀, 再睇埋獅子王, 再出黎睇埋另一個high school既跳舞表演, 之後, 我地就去迪迪尼酒店食飯餐啦, 今次就book左迪迪尼酒店既"翠樂庭"度食buffle, 由於之前睇過openrice話係呢間餐廳食buffle, 會時不時有d迪迪尼主角出黎同大家影下, 所以就係成個月前book定, (因為之前有人話呢度d位都幾難book, 所以就早少少book定!!)
好多野食下~~
呢度d野食種類好多下, 基本上行5, 6轉先可以試得晒所有食物!! 而且d食物源源不絕咁供應, 魚生又keep住出!! 真係幾好, 甜品款式就相對弱左少少, 不過有(黑,白)朱古力噴泉, 又有軟雪榚機俾人玩都算係幾好, 今次食buffle, 由於係有全年通行證既關係, 所以係有8折優惠, 不過埋單都要幾7舊水(兩位), 不過野食多, 又有迪迪尼主角出黎同你影相都幾係唔錯, 幾好!! 講開d迪迪尼出黎同你影相, 其實隨後佢地仲有個攝影師係後面, 佢地會用佢地既專業相機同你地又影返幾張相, 之後就會print返set靚靚既相出黎俾你, 如果你有興趣就可以幫襯佢買, 當然啦, 價錢都唔平啦, 好似都要成$120 - 5"x 7"既相, 又或者係$150/兩個有相既鎖匙扣!! 當然, 難得黎到, Anna就話買返個返去!!
就係咁盡情日開心玩完一整日, 多謝Anna俾我既驚喜及各樣既安排, 好開心!! 我會同史迪仔一樣對妳咁好, 仲係過之而冇不及!! 黎緊我地仲要去迪迪尼萬聖節夜場, yeah!!!
2 comments:
迪迪尼的開心快活日
1. 一入去，Donald Duck就同生日既主角玩抱抱同埋親親！
2. 首先，在美國小鎮大街四周圍行左一陣。
3. 急不及待好想去小小世界玩，不過沿途經過明日世界，見到巴斯光年，當然又要同佢合照下啦！不過巴斯光年冇Donald Duck咁熱情，沒有抱抱呢！
4. 見完巴斯光年，既然一場黎到，就入左去巴斯光年星際歷險玩下射槍，訓練下d眼界先啦！哇！我有成4萬幾分！是一級大空戰士呀！(升level，之前都係最下面個兩個level)
5. 玩完一個遊戲，因為唔駛點排隊，行過馳車天地，同埋飛越太空山！
6. 經過幸會史迪仔，想入去..不過係普通話版，所以12:45先至再黎過！
7. 行過見到兩個公主，我走左埋其中一位度，點知道她和我講英文，嚇左我一跳(大家都知道啦，我又驚驚地聽英文，又冇預d卡通人物會同我講野架嘛！一時之間真係不知所措架！)口快快是但答左她問我既問題，笑笑口影左張相就拿拿聲走人，之後定過神來先至想起同明白她問緊我咩︰"那邊那個男仔好似王子喎！係咪妳既王子呀？"
8. 米奇金獎音樂劇門口寫住12:45....哎呀，同史迪仔撞左時間呀！
9. 終於去到小小世界，很期待！！！而且玩完之後都沒有失望，很漂亮，好和諧，好熱鬧！美中不足的應該是香港地少人多，小小世界也比較擁擠....我曾經去過法國那個迪士尼，很大很漂亮.....
10. 有d肚子餓，食個Lunch先！是日午餐是由生日主角為我預備既....呵呵呵.....腸仔三文魚炒麵！馬仔！三文魚三文治！雞蛋！看似普通，卻全都是我喜歡食的，很好吃喔！> 3<
11. 仲有少少時間，去騎個灰姑娘旋轉木馬仔先，之後就去排隊入去見史迪仔。
12. 史迪仔我都睇過三次，今次是super開心呀！因為史迪仔會同現場觀眾作出一些對話，今次抽中左我，史迪仔首先同我講︰"坐在後面尾二第三個紅色衫既靚女，妳叫咩名呀？"之後我咪答佢︰我叫Anna。史迪仔又同我講︰"Anna妳好靚女喎！有冇男朋友呀？"我話有，之後指住Gary啦！之後史迪仔又問Gary叫咩名，問佢係咪鍾意我，話比機會Gary佢對我作出愛既表白。但係Gary佢突然間好怕羞咁(識佢既人都明白"怕羞"呢個詞語唔可以形容佢....)講左︰"我好鍾意Anna。"之後史迪仔就講︰"鍾意咋？我好愛Anna喎！！！""我都係！" 史迪仔又講︰"Anna睇黎佢都係唔係好鍾意妳架啦！妳同佢分手同我一齊啦...."應該係時間到啦，史迪仔就講︰"好啦！襯你們未分手前我同你地影番張相啦！"螢光幕真係出現左我地個樣，仲有坐在後面的兩個觀眾，史迪仔就講︰"怪唔之得你們會分手，原來有第三、四者呀！"
13. 史迪仔最後坐大空船飛走時都有叫住我個名....嘻嘻嘻，好攪笑呀！之後去左玩小熊維尼歷險之旅，因為下午開始人多了，都排了一會才可以玩！玩完再玩米奇幻想曲！夠鐘就再去排米奇金獎音樂劇！
14. 去左森林河流之旅，再睇遊行，再睇獅子王慶典，再睇High School歌舞表現！So good!!!不過Gary已經變左成個汗汗人，所以食飯之前，我們就逛逛有冷氣開放既商店！
15. 晚餐去左迪士尼酒店同埋d成日攪住你既迪士尼朋友一起食自助餐，食物就普通至幾好，不過環境同氣氛都幾good架！^^不過因為我比較細食...呵呵，所以食自助餐就唔係好抵既，下次都未必會再去呢度。
迪士尼黑色世界，我們會再去啦！^^
anna: 多謝妳既安排, 多謝妳係上面既文字補充, 多謝妳既包容, 多謝妳既禮物, 多謝妳既陪伴, 多謝妳所做既一切, 感謝妳既愛, 感謝妳既照顧, 感謝妳既心思, 感謝妳既付出, 感謝妳, 多謝妳~~~
Post a Comment