大公司大旅行

話說, 本人公司上星期五舉辦一個名為"Fun Day"既活動, 何謂Fun Day, 其實年年活動都唔同既, 今年就係全公司上下(3百幾人, 當然有d人係冇去啦)去一個叫綠田園既地方活動一番!! 呢個function簡直似秋季大旅行咁呀, 成班人柴娃娃去玩, 大公司就有d大公司特別之處!!

活動之一:自製麵包~~

是日Lunch Box: 吉野牛肉飯~

大家冇睇錯呀, 我地去Fun Day個日係星期五黎架, 閒日唔駛返工之餘, 仲可以到郊外玩下, 呢d就係正宗既Happy Friday!! 講番當日行程先, 首先, 我地當日部分同事就係九龍塘火車站等, 有旅遊巴送我地到目的地, 話晒綠田園係粉嶺個頭, 如果冇車接送, 要大家自己坐車去, d人真係啋你都有味!! 係 九龍塘上車之後, 坐左大概一個鐘左右既車程就到左目的地!!

活動之一: 農場參觀!!

玩完, 收工!!

一踏入綠田園既範圍就見到四周圍都係d綠悠悠既草呀, 葉呀, 真係好似回歸大自然咁!! 我地當日當然唔止係參觀綠田園咁簡單啦, 係綠田園入面仲會安排一d活動俾我地一齊玩下, 例如: 整下麵包呀, 整再造紙呀, 農地實習呀, 由朝玩到大約3點左右, 之後就再坐返旅遊巴出去, 成日既行程就完晒!!

出返市區都只係大約4點左右, 由於時間尚早(因為平時大家既放工時間為七點至八點, 所以覺得4點放工, 真係好早), 所以就決定成team人一齊去唱k, 成班人唱k好開心, 最重要係第一次join佢地成班人一齊去玩, 真係幾好, 難得大家係office hour之外既時間一齊去玩, so cool!!!

新地方

自己個位就係咁啦!!
成間公司都係冇partition, 用一望無際黎形容, fit晒!!!
自己個位背面就係對住呢個景啦, 都算唔錯!!

岩岩又去左新地方 - 私人公司是也, 邊間就唔開名啦, 依家公司位置係金鐘, 金鐘即係甲級寫字樓集中地, 再加上新地方為一間國際大公司, 所以依家返工都要著得整整齊齊, 要著恤衫西褲打呔加埋西裝褸, 之前返工都係是是但但, 求求其其唔駛咁整齊, 家陣要著成返工咁都唔係咁慣, 不過家陣著左幾日, 感覺上好似著校服咁, 著慣左都幾咁啦, 冇咩特別!!

呢幾日基本上同事們都忙自己野多, 都唔係分到太多野俾我做, 有時, 就唯有自己睇下自己d notes, 呢度有樣好既就係有電腦, 有電腦既最好就係上下網啦, 當然就唔可以日又上夜又上啦, 不過係悶個時, 可以上下網都係一個幾好既消磨時間既好辦法!!

除左係大公司有自己既電腦同埋可以上網之外, 呢間公司可能有太多老外同事, 所以係pantry既雪櫃入面有好多罐各口味既汽水 - 可樂, 雪碧, 新其士橙汁, 西柚汁, 各式各樣都有, 完全係唔駛錢架!! 隨便拎黎飲都冇問題!!

所見所聞

柴灣 - 羅屋
東涌 - 大炮台
因為要入去燈籠洲時, 船隻曾駛經青馬大橋橋底
燈籠洲- 燈塔
尖沙咀- 天文台

由於新工作既關係, 近日接觸到好多古蹟! 部份古蹟, 如果唔係因為係呢個部門工作既話, 基本上都未必會去到, 曾經去過一個係燈籠洲既燈塔, 全香港有好多個燈塔, 唯獨燈籠洲, 鶴咀及橫瀾島被列為古蹟, 燈籠洲呢個除左歷史攸久之外, 佢整座燈塔都由生鐵骨架所鑄成, 平時根本就冇可能會冇啦啦會有船去到呢個地方, 今次都係要坐海事處既船先入到去呢個古蹟燈塔!!

另外又到過尖沙咀既天文台, 除左係d學校參觀之外, 基本上都應該係不予對外開放, 難得今次我仲要同佢做個condition survey!!哈!! 有趣, 有趣!! 當然啦, 我係呢個部門仲有3個月時間, 我諗到時都可以參觀到更多古蹟名勝!!

好那渣

呢個位就係我個枱底~~~
近睇咪就係個d曱甴藥粉~~

其實, 一入到黎呢邊新office都已經覺得佢d野好殘好舊, 而且第一日返工個時, 見到有位幫辦同位GR姐姐講
幫辦:『嘩, 頭先係你枱頭見到隻曱甴行過!!』
GR姐姐(表現從容不迫):『咁係大隻定細隻!』
幫辦:『曱甴仔呢姐!!』
GR姐姐:『哦!! 細隻姐!! 成日都見架啦!! 冇事既!!』

我不禁汗顏!!

點知今日仲勁, 通常Lunch食飽飯多數都返office訓個小晏覺, 就係訓晏覺既時候, 突然聽到隔離section有人大叫一聲
女:『嘩!! 好多曱甴呀!!! 走呀, 走呀!!』
男(由遠處行過黎):『咩事呀, 有幾多曱甴呀???』
女:『係個櫃度, 一打開d曱甴就走晒出黎, 有幾多! 多到你見到都會立即走羅!! 快d拎d殺蟲水黎!!』

頂, 原先諗住訓個好覺, 家陣諗諗下, 佢噴完d殺蟲水之後, 谷晒d曱甴過黎我個邊架!!! 攪到我冇覺好訓, 成日昅住個地下有冇曱甴走過黎!!

寓溫習於娛樂

唔講得笑, 有好多野食架!!
白汁吞拿魚鏍絲粉
蒜蓉炒西蘭花

岩岩星期五重開study group, 一大伙人原先講左話今次除左重開已經冇開一個月既study group之外, 不如順道攪埋個大食會, 起先話每人整一款返去一齊食, 最後, 當然我地三位男生冇人整野食啦, 好在得兩位女生我地先可以食到咁好既野!!

女生們就勁啦~~ 佢地兩位夾埋大大話話都整左6,7款野食出黎, 數一數先: 白汁吞拿魚鏍絲粉2大盆, 白朱古力芝士蛋糕(自製), 豉油雞翼, 蒜蓉炒西蘭花, 蕃茄蛋沙律三文治, 綠茶紅豆鬆餅(自製), 美味曲奇餅(自製)!! 多謝佢地咁俾心機整咁多野食, 令今次既大食會生色不少, 而且聽兩位女生講, 之前一晚仲要整到成點鐘先有得訓, 呢番既心機, 真係將食物味道再加多一點既分數!!

大件事, 下次如果再有大食會就由我地3位男生出手, 到時唔知整咩野食好添!!

新環境

office對出一望無際, 不過, 我個位望唔到!!!

唔講, 係咪以為我坐左係個士多房入面呢!!

今日返新工, 新地點位於土瓜灣個邊, 一朝早返到去, 俾人安排左去Madam隔離個位, 唉, 個位係夠大呀, 大到咪俾人當個士多咁羅, 塞晒一箱二箱入去, 成個士多房咁, 而且, 最重要既就係, 又係冇電腦呀!!! 慘絕人寰~~~~

我又要繼續過d冇電腦既生活, 仲要係呢度渡過漫長既4個月咁多!! 你不如殺左我啦!!

亂糟糟

由於冇咩地方擺野, 所以就是但塞鬼晒落去枱下面頂住先!!

聽日就會轉新工作環境, 所以係office堆積左一大堆既notes、有用既相關information都要係呢幾日分段咁拎返屋企, 拎左幾日終於都拎晒返屋企!! 由於屋企地方淺窄, 所以就只好將佢地塞鬼晒落電腦枱下面, 一箱二箱咁樣!! 家陣d notes都唔錯多, 不過應該陸陸續續只會有多冇少, 真係要諗諗辦法睇下點樣重新整理一下呢d notes先得!!

望就望, 部電腦唔好冇啦啦熱到彈d火花出黎一野燒著晒d紙, 唔係到時我肯定會第一個燒死或者煙死!! 記得係電視節目睇過("職安健"個d), 係自己坐既位置下面不宜放太多雜物, 如果唔係對腳冇得伸展, 對腳屈埋屈會好易有d職業病, 唔知我會唔會係屋企冇啦啦有個咁既職業病呢!!!

木馬

公司部電腦無啦啦中左隻"木馬"毒, 家陣係office開唔到電腦, call左IT黎整, 佢又話我部機係特別d, 要遲d先整得到, 之後, 轉個頭就走左去, 唉, 家陣日日對住部開唔到既電腦, 開又開唔到, 開到都冇用, 佢會自動60秒熄機, 其實呢種毒係早幾年已經出現, 之後已經好多人解釋過點樣解決, 好幾年前自己屋企部電腦都中過呢款毒, 不過話咁快就自己解決左, 原先諗住今次公司部腦"賴"左野, 應該自己好快攪得掂啦!! 頂, 都唔知係唔係公司部腦本身已經都係中左好多毒, 攪到原先都係虛虛地, 依家仲加埋隻木馬上去, 死上加死!! 完全死晒!!

家陣真係望住台腦係度, 但係又用唔到, 真係學人地咁話:『O晒嘴!!!』家陣又回復返冇電腦時代!!

久違了~~

YEAH, 新既位置係前日已經安頓好晒!!! 今次轉section依然係旺角駐紮, 返工&放工都非常方便, 仲有最重要一點就係, 我又有返部電腦用啦, cool man!! 大大的感動, 好耐未似過可以係office hour上到網~~ 呢部電腦上網速度都算係快喎!!

不過, 聽上手講, 呢部電腦已經中左毒, 千萬唔好係呢部電腦過d file返屋企, 唔係就死梗, 因為佢上次已經high左野!! 未來3個月又會係度坐一坐, 3個月後就會俾人放逐出去其他部門, 到時就真係唔知咩狀況, 不過既來之就則安之啦!!!

又轉位

陣容鼎盛~~~(1)
陣容鼎盛~~~(2)

今個星期一, 係呢個冇電腦用既地方正式完結啦!! 之前講過, 走之前, 例牌動作---請野食!! 講真, 其實黎左只係一個月, 基本上除左自己madam之外, 仲有2-3位同事有傾過下計, 其餘的都真係講唔夠2句計, 有d甚至未講過野都唔定, 唉, 不過做落個規矩係咁, 都冇辦法, 唯有照買野食啦!!

因為有另一個G仔一齊係呢個section走人, 所以今次有人同我share, 唔駛好似上次咁慘一條友硬食買晒所有野, 不過今次陣容都幾勁下, 數一數先:
1.)煎釀三寶,
2.)樂園魚蛋,
3.)蛋撻,
4.)西餅,
5.)燒賣,
6.)燒肉,

今次款式冇上次, 不過今次要請埋GR(即係clerk個d!!), 夾夾埋埋都有成40幾人, 最後好似都買左成$600野食, 正所謂人本身就食貪心, 唔駛俾錢食就會立即變成成班蝗蟲咁樣, d野食一擺出黎之麻, 個個都好似餓左好耐又或者冇食飯咁一湧而上, 可憐既我最後都只係篤左少少野食!!!

話說回頭, 真係食米唔知米貴, 家陣d燒肉加價, 貴到巴巴聲, 之前聽人講d燒肉只係$60/一斤, 嘩, 今次買個d燒肉要成$110/一斤!! 家陣真係全城物價高漲~~~

p.s: 琴日轉左新section, 呢個位有電腦用架, yeah!!!

原始生活

有枱有椅~~~咪就係得呢d羅, 咩都冇啦!! 好似係荒島生活!! 我可能遲d要用無線電或者打電報同人通話!!

第一日返工就冇啦啦, 有人請野食, 唔知邊個請(都係大sir個d啦!!), 食左先, 唔理得咁多啦!

琴日係第一日轉到新section, 原之前所料果係係乜都冇, 冇電腦, 冇電話, 唯一既好就係俾人分配到一間原先由senier既房坐, 我同另一位同學仔一齊分享一間房!! 冇電腦都有一個好處既, 就係真係可以專心d睇file做事, 溫下書望Notes!!! 除此之外, 我地間房仲係面向街景, 雖則唔係咩無敵大海景, 不過, 有時悶起上黎, 望下街都唔錯既!!

不過, 可能一直都有電腦用既關係, 平日每朝早都會上網去Appledaily睇下有咩新聞架麻, 知下天下國家娛樂體育大事架麻, 頂, 家陣冇電腦用, 成個人好似與世隔絕咁, 都唔知出面發生緊d咩事!! 好可憐呀!! 依家朝早返到office先係可以咬住個麵包一係望住條街, 一係望住本File, 乾吞個麵包, 成個人都好dry呀!!

有個好消息, 我係呢個section只會逗留一個月, 不過有個不幸既消息, 我再轉去下一個section個邊好似都係冇電腦用, 仲要係係o個邊坐3個月, 今次我死梗啦!!

雜

打開晒d野食之後, 何其壯觀~~~

我的post其中一個工作範疇就係係呢兩年內不斷於不同的部門/section入門學習!! 在此部門已經逗留左5個月既時間, 話長唔長, 話短唔短, 依家又要轉去另一個section!!

上星期五Last Day, 根據以往經驗, 臨走慣例都要請食野, 以往都只係請食西餅就算, 唔明點解上一手師姐好鬼博命, 乜叉野食都買, 攪到我要買返相類似既食物種類先得!!! 今次真係大出血!! 今次和味啦, 買左好x多野食呀--->
1.) 燒肉
2.) 叉燒
3.) 煎釀三寶
4.) 蛋撻
5.) 沙翁
6.) 麥鐺鐺巴辣雞翼
7.) KFC葡撻
8.) KFC家鄉雞
9.) 麥樂雞

唔係講笑上面d野食大大話話都3,4舊水~~佢地就真係食得開心, 我呢d生活係貧窮線下既人就真係慘!!!

xxxxxxxxxxxxxxxxxxxx

有人同我講, 佢生過四隻智慧齒, 比起我呢d只係生過兩隻智慧齒既人黎講, 佢係聰明好多(!)

xxxxxxxxxxxxxxxxxxxx

聽聞轉去新section之後, 可能會冇電腦用, 死啦, 我呢d係迂腐既新一代, 冇電腦用我應該會死架!!

xxxxxxxxxxxxxxxxxxxx

雜碎

早兩日, 聽到位無聊同事既對話: 『問你地條問題, 知唔知點解呢排蒙牛股會升??』
成個office冇人應佢,
於是無聊同事就自說自話:『你地要用d專業d既意見去做分析架麻, 你唔可以話俾人知, d中國工人趕住起鐵路, 做到肚餓, 所以就要勁飲牛奶, 所以蒙牛股就升!! 呢d係無知股民既分析!!』
突然間, 成個office都靜左一下!!!

xxxxxxxxx

近排天氣都暖返d, 不過夜晚仲好似有 d涼涼地!! 夜晚訓覺個時, 雖然成個房係窗口得返條好細空隙, 但係唔知點成日都好似有d陰陰涼既風吹住塊面, 成個人都寒寒地!!

近排發現自己訓覺個時, 好鍾意將自己包到好似d水餃咁, d被全部都攝晒入去自己背脊度, 好鬼暖!!

xxxxxxxxx

唔知係唔係天氣凍, 夜晚睡眠質素下降, 定係我已經患上"渴睡症", 無論去到邊, 又或者搭車既時候就會好易眼訓, 之後就會好快訓著覺, 仲要係好好訓個隻!!!

仙藥

琴日講過, 有時d集中力不足既時候, 怎麼辦?? 冇得走去訓覺, 就唯入"對"返罐咖啡提提神, 都唔係講笑, 咖啡呢家野, 係我枱長期都有罐咖啡坐陣, 一旦出現集中力失調既時候, 就會立即開黎飲, 真係萬試萬靈!!! 勁呀!!!

雖然話就話萬試萬靈, 不過有時都唔係好掂(失靈!!!), 死啦, 你睇下我呀, 又做做下野走黎打blog啦, 都係做野先~~~

睇牙醫, 有錢賺

話說本人之工作福利之一就係可以免費去睇牙醫, 於是book今日去睇牙啦!!

講開睇牙醫, 我記得對上個次已經係係大學讀書既時候, 大大話話都已經係6年前既事, 再再對上一次睇, 應該要數到去小學既牙科保健!!! wahahhahaha~~~ 真係好耐都唔睇一次啦, 即使生左智慧齒, 見唔痛, 都費事走去睇牙醫!!

原先想book其他就腳d既醫院既, 不過其他方便d既醫院已經排期排到差不多需要大半年之後(嘩, 做牙醫真係好, 真係咁多人去睇個喎!!!), 而呢間就只需2個月時間就有得睇, 所以就快快book左葵涌醫院呢間!!! 其實book落左之後, 又開始有少少驚, 冇咩人book, 會唔會係呢度d人有問題, 又或者有d野先冇咩人book~~ 唉, 既然都book左, 只好"既來之, 則安之!!!"

今朝晨早流流起身梳洗完(查實都已經係9:00 a.m)就出發去葵涌醫院, 好彩係booking時間前去到(book左9:45a.m), 時間岩岩好!! 成間牙科珍所, 真係冇其他病人等緊, 唔係真係咁恐怖呀!!! 護士姑娘叫我入去, 幸好, 醫生都好nice, 首先, 幫我initial checking, 之後就好似同d小朋友口吻講野同我講:『d牙都刷得唔錯, 但係其實可以仲好d, 刷牙個時...............』於是佢就三言兩語, 好清楚簡單地解釋如何正確刷牙!!

真係咩人都冇架!!!

牙醫話見我第一次去睇牙, 就順手幫我做一次X-ray, 過程亦十分好笑, 話說, 原來牙醫間房除左係睇牙之外, 同時都係一個小型既X光室, 當佢叩我坐定定個時, 聽到佢同個護士講;『出去出去!!!』, 就見到佢兩條友雞咁腳走左出房, 出去之後仲要關埋房門!!

醫生房是也!!

於是, 就開始洗牙步驟, 係佢洗牙既同時, 又同我講我隻智慧齒頂住左其他d牙, 問我剝唔剝, 好明顯係洗緊牙個一刻我就冇咩可能講到野, 如是佢就一路同我洗牙, 就一路同我解釋, 剝又有咩好處, 唔剝又有咩唔好處!! 洗完牙之後, 我終於可以講到野, 佢就問我考慮成點, 我就只係問左一句:『剝一隻要幾多錢架???』, 佢話:『唔駛錢!!!』, wahahhahahah, 我諗都唔駛諗就同佢講:『好, 剝晒佢呀, 唔該!!!』

Hehe, 就係咁, 我就book左黎緊3月去剝我既智慧齒啦, wahahahhaha!!! 發達, 唔晒俾錢剝牙, 仲要剝智慧齒, 賺左!! (O.K, 我係咁婆仔架啦!!! 不過, 話晒呢d係錢黎架麻, 用呢舊錢去旅行都不知幾爽呀!!)

公司窗外環境

這就是公司窗外的環境, 當然唔係自己個位對住既窗口位咁爽啦!!! 不過, 呢d就係所謂既靜中帶旺!!!

我的新名

呢幾日一班同學仔唔知因咩事, 一打電話黎搵我第一句就叫我做"阿妹", 又或者見面時一開口就叫我做"阿妹", 有時我一時都反應唔切, 唔知佢地叫緊我!!!

我諗事緣都係因為之前係Study Ground個時, d同學仔present完, 就係Q&A環節中, 我比其他人問得比較多問題, 而d人就以為我只係係度幫手"做妹", 唔係真係係度問問題!! 所以自此之後, 我就多左一個咁既稱號啦!!! Chiara, 我同你一樣以後都俾人叫做"阿妹啦!!! wahahhahaha~~~~

我的可愛同事

大家睇清楚d, 中間係o麥頭係我黎架!!! wahahha~~~

我的好(前)同事, 佢地有時真係好得閒, 大家總係鍾意搵d野黎玩下, 笑下, 好耐之前, 我提過, 我地鍾意係公司內部成日都互send IQ題, 冷笑話等, 有時更加利用到現今電腦既科技, 將各人個樣貌key到不到既地方去, 等大家可以爆笑一番, 係沉悶既公司入面開開心心渡過, 今次呢個又係一個絕佳例子!!! whhahaha!!!

仲有, 曾家榮, 我個名你打錯左啦!!! 我唔係呢個"家"呀!!! 仲有, 仲有, 我張相係邊樹搵出黎架>>>

雌雄莫辨

早陣子係office黎左位新同事(應該係間離個team先岩), 開頭個時, 見到佢一身男仔打扮, 咁就以為佢係男仔啦, 其實大家都唔係同team, 各有各辦事, 好少可碰頭, 講野就更加係冇啦!!! 直至有一次, 大家一齊搭(唔記得係返工定放工), 定神望清楚佢又有少少唔多似男生喎!!!(因為佢實在瘦得太厲害, 冇左男仔應有既骨架!!)

突然間, 今日個疑團終於解開啦!!! 係我去影印文件既時候, 正正同另一位同事傾緊計, 就係呢個時候, 呢位雌雄莫辨既同事就行去廁所, 突然間, 我見佢係男女廁門口既中間停左一停(唔通, 連佢自己都未攪得清!!), 原來, 佢係係褲袋搵鎖匙, 之後就入左女廁, 哎呀, 原來我一直以為係男生既同事, 原來係女人黎架!!! 真係大跌眼鏡~~~

細菌小子

自從, 琴日我開始咳起上黎, 唔知係我"野"到office其他人, 定係咁橋

office d同事都一齊病呢, 大家都一齊起勢咁咳........咳........

咳........咳........咳........咳........咳........咳........大家都不斷

咁咳!!! 家陣我咳到個肺就快爆!! 好想死呀!!! 有冇人救我呀!!!

圖片來源: http://www.kuyoki.com/