新地方

自己個位就係咁啦!!
成間公司都係冇partition, 用一望無際黎形容, fit晒!!!
自己個位背面就係對住呢個景啦, 都算唔錯!!

岩岩又去左新地方 - 私人公司是也, 邊間就唔開名啦, 依家公司位置係金鐘, 金鐘即係甲級寫字樓集中地, 再加上新地方為一間國際大公司, 所以依家返工都要著得整整齊齊, 要著恤衫西褲打呔加埋西裝褸, 之前返工都係是是但但, 求求其其唔駛咁整齊, 家陣要著成返工咁都唔係咁慣, 不過家陣著左幾日, 感覺上好似著校服咁, 著慣左都幾咁啦, 冇咩特別!!

呢幾日基本上同事們都忙自己野多, 都唔係分到太多野俾我做, 有時, 就唯有自己睇下自己d notes, 呢度有樣好既就係有電腦, 有電腦既最好就係上下網啦, 當然就唔可以日又上夜又上啦, 不過係悶個時, 可以上下網都係一個幾好既消磨時間既好辦法!!

除左係大公司有自己既電腦同埋可以上網之外, 呢間公司可能有太多老外同事, 所以係pantry既雪櫃入面有好多罐各口味既汽水 - 可樂, 雪碧, 新其士橙汁, 西柚汁, 各式各樣都有, 完全係唔駛錢架!! 隨便拎黎飲都冇問題!!