禮賢會2007年活動最後一擊

我地係包場 - 打邊爐的啊!!

成晚聽得蕉兄既一句: 乾左佢!!!

已經遠離酒場既牛牛, 是晚都破戒 - 飲勝!!!

繼上次12月1日既BBQ大會動之後, 蕉兄提議於2007年之前再一次舉行大活動, 希望可以約同一d上次活動因事未能出席活動既同學仔, 兼順道慶祝聖誕節, 雖然已經過左聖誕節但都只係希望多個藉 口約大家出黎玩, 兼兼順道可以有藉口提議玩交換禮物既活動!!!

係2007年12月入面連續舉辦左兩次中學聯歡大活動, 大大的感謝各位同學仔既出席, 當然啦, 尤其是我個一班鐵膽朋友(Jessica, 牛牛, 堅, Camus, Jamie, Jackie, Ling & 奶)出席, 其他有份出席的同學仔都相當有心啦!!! 雖然今次活動最終只有16人出席, 比我預期中的少, 不過, 都有三位多年冇見既同學仔可以應邀出席, 感動萬分!!



今次活動選址於尖沙咀"正冬火鍋"打邊爐, 其實本身我地想去尖東既德興火鍋打邊爐, 但係book位個時, 佢話已經有人擺酒冇得打邊爐, 咁唯有只覓新地方, 最後就去左"正冬火鍋"作為我地活動地方, 都幸好我地去左"正冬"食野, 因為當晚成個舖頭都冇咩客人黎食野, 我地一圍16人差不多成為佢地成間舖頭唯一一枱食容, 我地當晚每人只付出左$135就已經包地成間舖頭, 勁爆呀!!


我本身係抽中兩隻杯, 根據遊戲rule, 我有權搶人地份禮物, 嘻!! 我搶左人地份100蚊cash禮物, wahaah!!

醒目如余弟兄 - 一早就選定我份禮物為目標, 醒爆呀!!

講到成晚既高潮, 當然係我地交換禮物既時候, 大家都好緊張拆佢地抽到既禮物同時, 又好緊張咁搶人地份禮物, 哈, 唔好講笑, 我當晚都搶左人地份禮物100蚊cash, wahhahaha!! 有人歡喜有人愁, 有人被人搶左份好野, 換左份"10蚊店福盒"返黎, 好在我冇事姐!!! 最後, 大家都係一片開心既氣氛下完結, 感謝!!


食飽飯後, 我地各位好朋友, 去左cafe度再坐低飲杯野, 傾下計, 繁忙到嘔的Thomas兄終於可抽到些少時間見下我地, 總算係2007年前可以見到佢一面, 哈!!!

First Show

最左手面就係大不良啦!!

成班小朋友走黎走去, 幾得意下!!

跳完之後, 係後台有禮物派!!

女仔天生就係鍾意擺post, 呢d係天性!!

家陣d小朋友, 細細個已經要學好多野, 我識得個小朋友, 細細個已經學游水, 空手道兼英文, 實行多方面發展!!! 我屋企個大不良當然唔執輸啦, 點都要去學下野先得, 家陣佢逢星期日都會去琴行學芭蕾舞!! 琴日, 大不良於將軍澳中心首次進行公開表演, 平日係屋企叫佢撚兩手芭蕾舞黎睇下, 佢都死都唔肯, 但係琴日係商場見佢同成班小朋友一齊跳個時, 又跳得頭頭是道喎!!

不過, 琴日眼見大不良本身都有少少肉地(略肥!!), 著起件芭蕾舞衫都o都左個肚腩仔出黎, 正宗baby fat, 都係時候叫佢唔好食咁多野先得, 唔係佢實變大肥妹!!

18禁

早日, 收到讀者牛牛投訴, 話本blog的提及本人近日的生活文章有點兒乏味!!! 佢老公陳生又提過, 想多返d什麼無聊冷笑話為題的blog, 本人一向都尊重民意, 故此今次加入一篇好題材剌激廣大思路(查實黎黎去去咪得個十幾人睇我個blog!!)! 早前於網絡上見有一篇文章提及有關咸濕電影名的撰寫, 故特意post出黎同大家分享!!

係我記憶中, 曾經聽聞過, 如果有人諗到個新既電影名, 並且將佢send去發行公司, 而同時發行公司取用你個"戲名", 好似真係有錢收架, 雖然, 曾經我都想過設計d戲名, 不過, 當時自己詞彙真係唔多, 對比下面個d名, 真係十個一皮, 冇得比, 所以最後都係算數罷了!!

1. 愛情打樁機

2. 弊傢伙！地鐵有色魔！

3. 你插落，所以我快樂

4. 大濫交嘢公園

5. 搓暖無限 Touch

6. 處女又一穿

7. 豐乳同露

8. 純情乳交七

9. 愈浪漫愈快硬

10. 二人含，一六九

11. 吾家幼女有毛有液

12. 暴露迷城

13. 萬事起頭難

14. 啜袋雙嬌

15. 愛撫唔怕做

16. 我很醜，可是我很持久

17. 捉人深處強姦 (竹林深處人家)

18. 鹹濕保母賤嬰兒

19. 淫珠格格與扯旗貝勒

20. 睪飛丸走

21. 笑傲肛門

22. o架妹多多包含

23. 扑濕瑪莉

24. 住家淫娃咬節瓜

25. G 觸者，頻亦樂

26. 三皇一后知多少

27. 真金不迫紅爐火，真波不怕任你摸！

28. 男人老狗鳥不起

29. 簫塞豐乳中

30. 秋風起，性慾嚟

31. 吹蕭一刻直不甩

32. 我愛一枝棒

33. Do 野雄心之射野比天高

34. 含乳淫龍拳

35. 大圍三姑三圍大

36. 強姦大力 Un《唐山大地震》

37. 自摸雙番西

38. 你偷窺，我插西

39. 插班女學生

40. 開心時刻 @@ 屎忽 (開心時刻 PIZZA HUT)

41. 午夜胸玲 ~ 精子全身

42. 中華精蟲扑爆棒

43. 廿二世紀插人兩鑊

44. 博愛歡樂性濫交

45. 快感係鞭度

46. 淫眼碌碌逐個郁

47. 千金難買插得深

48. 午夜胸圍

49. 你淫我賤真夠寸

50. 非禮蜜言

51. 楊太老公楊巨祥

52. 失驚毛神奔走痕

53. 仙樂歌聲處處淫

54. 吉川春代子大戰博野真太郎

55. 香港雛妓大學 (香港科技大學)

56. 芥蘭強狂插波菜蓮

57. 淫人妻女笑騎騎

另外仲搵到一個比較得意, 各位要自己口中講一次先明白當中既意義
58. 理察德泰森

資料來源: 醉幻迷離 人生是戲 - 梁巔巔

物輕情意重

這是今年的, 有禮物收當然開心啦!! 很喜歡!!! 期待下年的來臨~~~ 朋友們, 你地又收到咩禮物呀???

聖誕小餐

Christmas Set-dinner

吞拿魚沙律+兩個湯

咖哩薯角

蘑姑煙肉烤卷

照燒雞烏東

Dessert

上星期一晚同友伴去左Megabox買野, 正所謂食飽先有力行街shopping!! 所以一去到Megabox就不斷睇下食咩好, 一上到10/F, 就見到一間SORA既餐廳, 咁岩見佢有個Christmas set dinner, 見未食過呢間就不如試下!!

呢間餐廳基本上只係得幾個位, 地方唔大, 不過因為貼近大玻璃, 再加上當晚冇咩人去Mega食飯, 所以感覺上尚算O.K!! 餐廳亦以半自我service式為主(類似Italian Tomato一樣, 自己出去叫野食, 不過有人幫你送上黎!!), 我地除左叫左個Christmas Set之外, 另外再叫左個Dessert(個set冇架!!), 其實基本上個set上面d野都係一般野食, 都唔係太特別, 不過我想講既就係佢個"蘑姑煙肉烤卷", 幾特別, 佢由d烤卷皮包住d飯, 咬落去幾得意, 而且d飯都幾好味!! 唔錯, 唔錯!!!

Sora ti. te. mo
地址: 九龍灣宏照道38號企業廣場5期MegaBox 10樓L1008號店
電話: 2359 0192
菜式: 日本菜

投名狀

上回提到, Happy Friday同G仔同學們食飽飽就走左去澳海城睇"投名狀", 一開始個時成日都以為呢套電影都唔多好睇, 都係不外乎於, "英雄", "滿城盡帶黃金甲"一樣, 都係個一類既野!!! 點知睇落又唔係幾一樣, 一來佢個d大既戰爭場面幾可觀, 尤其是李連杰出手就更加唔駛講啦, 另外, 真係要讚下今次d戰爭場景, 真係有血有肉, 下下斬落去d人度真係有血噴出黎個喎( ! ) 手手腳腳又真係會斷, 唔似舊時個d電影咁, 俾人斬完就只係叫幾聲, 之後訓係度就算數!!! 睇到個幾場, 真係多左一種真實感!!!

呢套戲入面劉德華d戲好鬼得!! 連坐係我隔離個Mandy都睇到喊~~~ 呢套係雖然係好睇, 不過去到中段都有d悶場!! 尤其是去到後段有少少拖長左少少黎做, 可能係早段既時間有太多打打鬥場口, 去到後段只係文戲居多, 個平衡做得唔係太好!! 不過, 對於一個香港導演黎講, 陳可辛真係拍得唔錯!!

聖誕小派對

禮物排排坐~~

五個人五份禮物!!!

Mandy抽中我份禮物, 佢話佢鍾意, 哈, 咁就真係Merry Christmas啦!!!

禮成!! 各取所需!!

這就是我抽中的聖誕禮物 - 香水座(放係屋企用的!!)

上星期五, 同一班G仔同學仔一齊提早求祝聖誕兼farewell師兄阿sam, 由於各人於臨放工前都食左小小野, 所以大家即使去到王家沙食晚飯既時候, 大家都唔係食得太多野 (只係叫左個小籠包+燻魚+雞絲粉皮+高力豆沙+素菜包) , 反而變左成晚都係求傾計, hehe, 夾夾埋埋都傾左2個鐘有多!! 講一講王家沙呢間舖, 我本身就未食過呢間, 不過時不時都聽人講話呢間野真係一般甚至去到麻麻!!!

果然係醜事傳千里, 由於食個方面我地唔係點左好多款食物, 我就無謂講啦, 不過講到一間餐廳黎講, 佢d衛生就真係麻麻, 一入個門口已經感覺係好污穢, 張枱又抺得唔乾淨, 連呢d最基本既要求都做唔到, 真係差d啦!! 仲有仲有, 我地今次坐既位置係basement, 唔知點解我成日都好似聞到d怪怪地既味!!! 所以如果大家有得選擇就可以搵過第2間啦!!

由於當晚係Happy Friday關係, 我地食飽飽之後, 再去澳海城睇"投名狀", 哈, 開頭成日都覺得"投名狀"唔好睇, 點知睇落又真係唔錯, 尤其是劉德華果然係有影帝風範!!!

王家沙
地址: 旺角彌敦道625號麗斯大廈地下A舖及部分地庫
電話: 28277833
菜式: 上海菜

開估

大廠TOMY出品, 都唔係野少架!!!

之前曾提過我已經買左聖誕禮物出席有關聖誕活動, 包得密密實實, 上星期五就同班G仔同學仔一齊食飯, 順道提早慶祝聖誕, 兼舉行聖誕大抽獎活動, 依家就等我先開估第一份禮物先, whahahahaha!!! 就係上圖個室內搖控飛機, 勁呀, 好好玩架(我估!!!), 又唔係特別貴, 岩岩within budge, 又得意好玩, 同學仔Mandy抽中我個人都話好開心, wahahhaha, good 晒!!! 至於另一份就遲d再開估俾大家知呀!!!

沉默寡言 vs 風趣幽默

vs

這是我倆的生活寫照!!! 哈, 哈~~~

一日之計在於晨

包(香腸, 餐蛋, 腿蛋, 叉燒, 菠蘿, 墨西哥)

燒賣(豬肉 + 魚肉)

每日一早起身出門口返工, 係臨上office之前都會買個早餐返office食, 當然唔會係個d麥記早晨全餐或者茶餐廳個d A, B, C餐啦(一早就食呢d未免太過heavy), 我通常都係會買麵包類食, 係我落車位置有一間茶餐廳, 每朝無間斷咁出d新鮮出爐既麵包, 麵包呢家野我覺得只要係新鮮出爐, 熱辣辣咁, 難食極都有個限度!!! 而且仲係唔貴個隻, 最貴個款叫餐蛋包都只係$4~, 緦好過係美心西餅買個d又貴又凍冰冰既麵包食!!!

成日食包有時真係水都歪, 所以有時我都會買下其他野食, 好多人朝早都會買腸粉食, 我就鍾意買兩串燒賣做早餐, 係公司附近有一間餐廳有燒賣賣, 仲有豬肉或魚肉俾你選擇, 哈, 我多數都係mix埋一齊食!!!

聖誕禮物....你買左未呀???

左: G仔同學既禮物, 右: 中學同學仔禮物

聖誕將近, 又係交換禮物既時候, 今年暫時得兩個交換禮物既活動, 一個當然係同我班好好既中學同學仔交換禮物啦, 而另一個就係今年第一次同佢地開始熟絡既G仔同學, 難得大家咁有雅興, 我當然會花心思去買禮物啦, whahahaha!!! 就係琴日, 我就特別花左我一個下午既時間去行街, 買禮物, 不負所托, 攪掂, 買得晒兩份禮物!!!

今年, 同中學同學們既禮物主題係: 家居用品!!! 我買o個份禮物, 可以話係費盡心機, 等我試下形容份禮物先, 只要你啟動佢內裡既機關, 佢可以俾到你4種唔同既快感, 只要你一用佢既時候, 你就會feel到好relax, 有d人甚至乎會忍唔住叫左一聲出黎, (o.k, 呢個都係因人而異啦!!!)!!

至於另一份禮物, 可以將佢形容為人類智慧既結晶, 你將佢拎上手, 簡直感受到自己既細小, 而且, 你望住佢之後, 你成個人都會身心舒暢, 有種由然自得既感覺!!! 甚至乎可以去到豁然開朗既境界~~~

大家聽完我形容我個兩份禮物, 係唔係都好想交換/抽到呢, hehe, 我只可以講一句, 我個兩份禮物, 真係好野黎架, 抽唔中, 或者拎唔到, 根本就係你既損失, wahhahahaha!!

I AM LEGEND

好耐冇似過睇早場,(應該直頭未睇過早場), 除左好耐好耐之前因為係戲院做part-time而要咁早起身做早場之外, 基本上都冇咩基會去睇, 一來自己唔會咁早起身, 二來冇人會陪一齊咁早起身!! whahahaha!!! 琴日, 友伴提議去睇早場, 原來早場只係需要$35/person - 超抵!!! 所以就快快手買飛, 由於我倆對"投名狀"一片都不感大興趣, 所以今次我地放棄大製作"投名狀"而轉睇"魔間傳奇"!!

開頭以為呢套戲只係一般既喪屍片, 原來都唔係個喎, 呢套戲基本上係Will Smith一個人擔大旗, 可以話係one man show, 同好幾年前由Tom Hank主演一套" Cast Away 劫後餘生" 一樣, 整套戲既一
大半時間都由佢自己一個人演晒!! 另外, 今次唔係單單就咁一群喪屍同你追逐咁簡單, 我比較喜歡佢個電影英文名, 當你睇完整套電影就 會明白當中既意義!!

故事簡介

羅拔紐維爾（韋史密夫　飾演）是一位天才橫溢的科學家，但他也控制不到一種無法控制、無法治療的人造病毒。不知何故，他對這種病毒卻神奇地擁有免疫能力，他發現自己成為紐約市唯一生存的人，甚至可能是全世界最後一個倖存者。
三年來，紐維爾每日都會向外發放無線電訊息，希望尋找另一位像他一樣僥倖生存的人。但他身邊潛伏著許多受病毒感染的變種人，他們留意著紐維爾的一舉一動， 等待機會把他置諸死地。作為人類最後的希望，紐維爾肩負起一項重大的任務：利用自己免疫的血液，尋找治療病毒的方法。但勢孤力弱的他，再沒有多少時間完成 任務。

香港!!!
東京!!!
倫敦!!!

另, 原來電影公司於世界各地作宣傳, 特別為每個城市都設計一款poster, 上面幾張就分別係東京, 倫敦, 及香港, 當然啦, 其他城市都有!! 設計得幾靚, 唔錯!!

喜..............喜

請帖封面, 男左女右~~~

只要將男主人往右一拉, 就會由"喜"字變成"囍"!!!

有小燕小之稱既Jackie, 希望趕住下年新年可以派利是, 於是決定係下年新年前結婚, 琴晚佢就相約左一班兄弟, 姐妹見下面食下飯, 一來要派帖之餘, 二來要同我地呢幫兄弟姐妹講解下佢結婚當日既run-down同埋各人既崗位!! 哈, 有幸小弟被分派返同自己工作有關既任務, 就係監察場內佈置, 岩晒, 本人話晒都係建築出身, 呢d野應該都難我唔到!!!

講開派帖, Jackie的請帖比起傳統既請帖黎得十分有心思的啊!!! 並不是普通揭開式請帖, 而是橫拉式設計, 仲要一拉開就見到佢兩位小口子於台灣影既結婚相一張, 而相片上面就印上時間地點日期!!!

多謝Jackie & William琴晚的一餐, 再一次祝福你地永結同心!!!

我的新名

呢幾日一班同學仔唔知因咩事, 一打電話黎搵我第一句就叫我做"阿妹", 又或者見面時一開口就叫我做"阿妹", 有時我一時都反應唔切, 唔知佢地叫緊我!!!

我諗事緣都係因為之前係Study Ground個時, d同學仔present完, 就係Q&A環節中, 我比其他人問得比較多問題, 而d人就以為我只係係度幫手"做妹", 唔係真係係度問問題!! 所以自此之後, 我就多左一個咁既稱號啦!!! Chiara, 我同你一樣以後都俾人叫做"阿妹啦!!! wahahhahaha~~~~

我的情敵

同謙謙慶祝生日, 當然要有生日蛋糕啦!!!

兩歲的小朋友已經識得自己拎起把刀切生日蛋糕!!! 醒呀!!!

小朋友都係鍾意玩的~~~ 有得玩就會好開心!!!

網絡世界真係好神奇, 往往可以將原來互不相識的人, 聯繫上黎!! 早年前友伴於網絡上認識了一位小朋友-謙謙(就快兩歲生日!!)( 請不要誤會兩歲小朋友已經懂上網, 只因他的父母為他們這位可愛小朋友寫起blog, 記錄仔仔的生活事及成長過程!!!) 由於謙謙可愛十分, 仲要有一雙精靈大眼睛, 故此深深就吸引友伴既注目!!! 友伴簡直為這可愛小朋友為之瘋狂~~~成日都讚佢靚仔, 又將佢張相放係銀包入面(封面個隻~~), 佢可以話係我既第一號情敵!!!

咁岩謙謙就快生日, 為左探索點解友伴可以為這小朋友咁瘋狂, 正所謂"不入虎穴, 焉得虎子"上星期日就與友伴到其屋企為佢慶祝生日, 哈, 第一眼見到呢位小朋友又真係幾精靈, 我地上去佢屋企個時, 謙謙已經企左係門口歡迎我地!!! 真係好乖!!! 由於係慶祝佢生日既關係, 當然係要買個生日蛋糕啦, 嘻, 一打開個蛋糕盒, 謙謙已經好醒目地一手就拎住把(膠)刀, 歌仔(生日歌)都未唱完就想切落個生日蛋糕度!!!!

當晚, 感謝謙爸爸&謙媽媽既熱情款待, 為我倆預備左一個好豊富既火鍋晚餐, 由於謙謙太細個, 打邊爐的食物唔岩佢食, 所以就只好我地四人食, 食飯時既謙謙好乖的啊, 可以坐定定一邊睇電視一邊食飯(應該係魚肉先岩!!!), 同我屋企個隻小不良比, 謙謙佢真係乖得十萬倍有多~~~ haha!!! 打完邊爐, 仲有一個好好食既蜜瓜作甜品, 真的好好食呀!!! 大約同謙謙玩到9:30p.m左右, 我倆都係時候走啦, 因為謙謙都差不多時候要訓覺啦!!!

很高興認識到謙謙, 仲有謙爸爸&謙媽媽!!! 在此祝願謙謙小朋友, 生日快樂, 身體健康, 快高長大, 聰明過人~~~~ 有機會下次再見!!!

p.s: 當日, 最可憐的事, 友伴說如果她和謙謙一齊去迪迪尼的話, 就順便叫埋我一齊去啦!!! 呀~~~~只係順便叫埋我, 套用流行用語一詞, 真係灰爆!!

健康快樂人生

由上星期二起至琴日, 差不多隔日或連續兩日都去左做運動, 仲要唔止單一化, 係多元化個隻, 有做gym, 打網球, 打籃球, 仲有琴晚既羽毛波, 7日入面有4晚都做運動, 做完運動之後, 成個人都精神爽利!!! 一黎做運動對身體健康, 兩黎成日困係office做野, 放工走去走動下, 出一身汗, 成個人都relax晒!! So great!!! 幸好朋友們都有keep住book到場打羽毛波, 咁就可以keep住打, keep住打!!! 哈, 有人問我, 我識d咩運動, 基本上, 除左足球之外, 其他既運動我都有一手, 當然啦, 你話個d攀石呀, 馬球呀, 三項鐵人賽, 我當然唔掂啦!! 玩野呀!!!

另, 我一向認為如果有行過並完成"毅行者"呢個比賽的人, 真的很"堅", 大家都知行呢個'毅行者"既路程係100Km, 仲要係係指定時間內完成, 其實係一個相當唔簡單mission, 由於身邊既朋友都唔多行山活動, 所以即使早幾年想參加都未能成行, 依家不及當年勇, 打後既日子都應該唔會參加!! 上星期日, 因緣際會, 認識一位朋友曾經參加過"毅行者"活動, 並且完成, 佢親身經歷說到, 係之前既preparation功夫真係要做到好足, 而且到行個時, 真係會行到腳板起水泡~~~~ cool, 好"堅"呀!!!

我的可愛同事

大家睇清楚d, 中間係o麥頭係我黎架!!! wahahha~~~

我的好(前)同事, 佢地有時真係好得閒, 大家總係鍾意搵d野黎玩下, 笑下, 好耐之前, 我提過, 我地鍾意係公司內部成日都互send IQ題, 冷笑話等, 有時更加利用到現今電腦既科技, 將各人個樣貌key到不到既地方去, 等大家可以爆笑一番, 係沉悶既公司入面開開心心渡過, 今次呢個又係一個絕佳例子!!! whhahaha!!!

仲有, 曾家榮, 我個名你打錯左啦!!! 我唔係呢個"家"呀!!! 仲有, 仲有, 我張相係邊樹搵出黎架>>>

我的早、午、晚餐

早 & 午餐~~~

晚餐~~

今日咩事呢??? d正餐唔似正餐!!!