板前 vs 板長

板長壽司

板前壽司

星期四晚去左九龍灣食晚飯, 去左一間"板長壽司"食晚飯, 開始時都不以為意, 一心諗住只係一間新開既壽司店吧, 跟住係門口等位期間, 見到壽司門口的電視機show左個"板前壽司"既logo, 於是問一問友伴"板長"係唔係"板前"既姐妹店, 突然間大家都摸不著頭腦, 坐到入去食野既時候, 友伴就同我講, 本menu既封面雖然係寫"板長", 但係內裡既食物及公司全部都係同"板前"個本一模一樣, 從而知道, "板長"同"板前"應該係有d關係!!!

岩岩上網查一查"板長"資料, 原來呢兩間壽司店, 真係有d關係: 在日本，壽司師傅分為3級﹕初入行的是「板前」、高一級的稱為「板花」，而眾人的師傅就尊稱為「板長」。8月底開店的「板長」，與「板前」同屬Ricky的飲食集團。營運經理梁偉業說，兩店的基本餐牌大致相同，定價也一樣。最大分別，在於「板長」會從日本引入不少時令貨，「飛機貨」款式明顯比「板前」多!!

另外, 呢一間壽司店既迴轉枱, 俾一般其他壽司店既枱為闊, 呢一點值得讚, 因為平時d起咁e放棟碟係度已經冇晒位, 依家就唔同, 闊d舒服d!! 又, 呢間壽司店比較特別, 當你一入去坐低之後, 個經理就會問你貴性, 上網d人話, 其實係想親切d喎, 唔, 不過, 我每次落order個時, 好似都唔多見佢叫我做"吳生", 不過呢d都係其次, 食物質素先係最重要, 我就覺得o.k啦, 唔係有咩咁特別, 不過就真係多左d時令既食材, 本身見到佢有個"夕張蜜瓜"($25一客), 本想試一試, 點知賣晒, 下次有機會真係試一試先得~~~雖然我地坐左係迴轉帶前面, 唔知係唔係d三文魚係比較平一類既壽司, 我地係迴轉帶上面都唔見有三文魚壽司出現, 要自己order先有!!!

板長壽司

地址: 九龍灣淘大商場二期地下G226-G227及G-230-233舖

電話: 2750 4066

菜式: 日本菜