好那渣

呢個位就係我個枱底~~~
近睇咪就係個d曱甴藥粉~~

其實, 一入到黎呢邊新office都已經覺得佢d野好殘好舊, 而且第一日返工個時, 見到有位幫辦同位GR姐姐講
幫辦:『嘩, 頭先係你枱頭見到隻曱甴行過!!』
GR姐姐(表現從容不迫):『咁係大隻定細隻!』
幫辦:『曱甴仔呢姐!!』
GR姐姐:『哦!! 細隻姐!! 成日都見架啦!! 冇事既!!』

我不禁汗顏!!

點知今日仲勁, 通常Lunch食飽飯多數都返office訓個小晏覺, 就係訓晏覺既時候, 突然聽到隔離section有人大叫一聲
女:『嘩!! 好多曱甴呀!!! 走呀, 走呀!!』
男(由遠處行過黎):『咩事呀, 有幾多曱甴呀???』
女:『係個櫃度, 一打開d曱甴就走晒出黎, 有幾多! 多到你見到都會立即走羅!! 快d拎d殺蟲水黎!!』

頂, 原先諗住訓個好覺, 家陣諗諗下, 佢噴完d殺蟲水之後, 谷晒d曱甴過黎我個邊架!!! 攪到我冇覺好訓, 成日昅住個地下有冇曱甴走過黎!!