所見所聞

柴灣 - 羅屋
東涌 - 大炮台
因為要入去燈籠洲時, 船隻曾駛經青馬大橋橋底
燈籠洲- 燈塔
尖沙咀- 天文台

由於新工作既關係, 近日接觸到好多古蹟! 部份古蹟, 如果唔係因為係呢個部門工作既話, 基本上都未必會去到, 曾經去過一個係燈籠洲既燈塔, 全香港有好多個燈塔, 唯獨燈籠洲, 鶴咀及橫瀾島被列為古蹟, 燈籠洲呢個除左歷史攸久之外, 佢整座燈塔都由生鐵骨架所鑄成, 平時根本就冇可能會冇啦啦會有船去到呢個地方, 今次都係要坐海事處既船先入到去呢個古蹟燈塔!!

另外又到過尖沙咀既天文台, 除左係d學校參觀之外, 基本上都應該係不予對外開放, 難得今次我仲要同佢做個condition survey!!哈!! 有趣, 有趣!! 當然啦, 我係呢個部門仲有3個月時間, 我諗到時都可以參觀到更多古蹟名勝!!