大小不良近照

好似好耐冇post過佢兩隻野d相出黎, 大不良就肥左好多, 大家睇相都望到, 佢成個肚腩都突左出黎, 雖然佢逢星期日都會去學芭蕾舞做運動, 咪就係一星期先做個一次運動羅, 家陣咪就變左肥妹仔咁, 依家佢媽媽(即我家姐)成日同佢講, 你有冇見佢靚女係咁肥架!! 唉, 咁細個就教佢d咁既野, 遲d攪到佢有厭食症就知死!!

小不良冇咩特別啦, 不過就成鬼日都扭計, 有事冇事都扭一餐, 所以就成日俾老媽打鍋甘既佢!! 可能成日同大不良一唱一和, 所以佢家陣講野都算係幾流利!!! 黎緊佢就快上幼稚園, 老媽就應該會輕鬆好多啦!!