又轉位

陣容鼎盛~~~(1)
陣容鼎盛~~~(2)

今個星期一, 係呢個冇電腦用既地方正式完結啦!! 之前講過, 走之前, 例牌動作---請野食!! 講真, 其實黎左只係一個月, 基本上除左自己madam之外, 仲有2-3位同事有傾過下計, 其餘的都真係講唔夠2句計, 有d甚至未講過野都唔定, 唉, 不過做落個規矩係咁, 都冇辦法, 唯有照買野食啦!!

因為有另一個G仔一齊係呢個section走人, 所以今次有人同我share, 唔駛好似上次咁慘一條友硬食買晒所有野, 不過今次陣容都幾勁下, 數一數先:
1.)煎釀三寶,
2.)樂園魚蛋,
3.)蛋撻,
4.)西餅,
5.)燒賣,
6.)燒肉,

今次款式冇上次, 不過今次要請埋GR(即係clerk個d!!), 夾夾埋埋都有成40幾人, 最後好似都買左成$600野食, 正所謂人本身就食貪心, 唔駛俾錢食就會立即變成成班蝗蟲咁樣, d野食一擺出黎之麻, 個個都好似餓左好耐又或者冇食飯咁一湧而上, 可憐既我最後都只係篤左少少野食!!!

話說回頭, 真係食米唔知米貴, 家陣d燒肉加價, 貴到巴巴聲, 之前聽人講d燒肉只係$60/一斤, 嘩, 今次買個d燒肉要成$110/一斤!! 家陣真係全城物價高漲~~~

p.s: 琴日轉左新section, 呢個位有電腦用架, yeah!!!