日本中部之旅(八)高山日祭【15/4 - Day 4】

我們第三晚住的民宿 (お宿　新三)
雖然唔係好多餸, 不過, 唔駛錢喎, 唔好要求咁多!!
成日食早式早餐, 基本上朝朝都有麵豉食!!
走個時, 民宿主人特別整左幾個飯團我地, 但係我地懷疑係食剩太多飯, 所以用d剩飯做俾我地, 不過, 唔駛錢, 又有得食, 冇所謂啦, hehe~~

琴晚因為夜訓, 今日起身有d難度, 因為我地book呢間民宿個時諗住淨泊, 所以起身就諗住食我地琴晚係Familymark度買既杯麵食啦!! 但係突然有位好好人既日本女子(佢都係旅客!!), 入黎我地間房同用英文我地講樓下已經準備左早餐俾我地, 係免費的!!! 如是, 我地即刻飛奔落樓下食我地免費的早餐, hehe!! 個位女仔實在太好人, 因為今次民宿主人係位老婆婆, 基本就最基本既英文都唔多識, 所以我地就靠呢位好好人既女仔幫我地同民宿主人溝通!!

我地第一次係日本入油(佢地d喉好興係上面吊返落黎架!!)
係我地入油其間見到有d小朋友托住個小祭台四圍走, 好得意!!
呢個就係朝市門口

食飽飽執行李走人, 個位女仔都執好行李走, 佢就搭的士出發, 但係當佢見我地差不多開車走個時, 佢就特登由架的士上面落返車, 行過黎同我地講左一句:『Have a nice trip!!』今次真真正正見識到好人!! 好nice!!

今日既高山祭會係中午12:00p.m先開始, 所以我地就趁朝早個段時間係高山入面四周圍逛逛!! 因為我地一睇完個高山祭之後, 就會再趕路去平湯溫泉!! 唔會再有其他時間行! 而且係高山有個叫"朝市"既地方, 其實, 只係一個只會係朝早開市既市集!! 朝市入面都幾多野睇, 係呢度又係買野既時候, 各人都大買特買!!

唔係講笑, 真係好多人, 人頭湧湧架!!
睇既就係車頭前面個布偶表演~~
有人控制佢活動~~
擺晒係度任影唔嬲~~

到左差不多2:00p.m左右, 已經好多人聚集係廣場度, 睇既就係祭典中其中一個重點, 就係各屋台前面的玩偶的供奉表演, 係各屋台前均會有一個玩偶, 係屋台上面會有人控制佢地表演不同既動作, 當然同時都會有埋好好聽既傳統音樂伴奏表演啦!! 不過由於天氣實在太熱啦, 我同Anna睇左一個表演之後就走左去其他地方逛逛(其後仲有二個呢d布偶表演的)! 除左有d車係做布偶表演之外, 其實另外仲有其他屋台會放左係街道上, 供人影相!!
我地見到個老外黎到呢度為d祭台寫生, 又好似畫得幾靚!!
另外, 仲有身披獅子頭道具跳的“獅子舞”, 其實佢類似我地新年個時有人舞獅咁, 之後就問d舖頭地攞利是!! 之後就係門口舞幾下, 當係祝福!!!

睇完成個表演, 望住佢地打道回府之後, 時間都唔早啦, 差不多已經去到5點鐘, 又係時候起程進發去我地第4晚所住既溫泉酒店!!

(待續)