日本中部之旅(五)First Time in民宿【13/4 - Day 2】

這間就是我們第一晚住的民宿了!!

去到乗鞍高原已經入夜, 我地終於到達第二晚要住既地方, 其實除左第一晚係名古屋係住hotel之外, 基本上打後既日子我地都會住民宿, 今晚呢間民宿叫"湖藤莊", 可能係閒日既關係, 所以今晚就只係得我地四條友係度住, 其實呢一個係溫泉民宿, 即係係呢度係有溫泉浸, 聽領隊講正常既程序都係浸完溫泉先食晚飯, 不過, 我地黎度既時候都已經係五點幾, 如果再執下行李再去浸溫泉先去食晚飯, 可能會太晏, 所以我地就決定先食飯後浸溫泉!!

很精緻的食物~~

我地首先各自換上浴袍, 再到樓下食飯, 民宿主人已經一早為我地整理好晒所有野食係枱面, 所有餐具食物都排得井井有條!! 第一次係民宿食飯, cool, 感覺好新鮮, 因為佢地每每都會有起碼7-8款食物俾我地食, 雖然每碟份量唔係好多, 不過呢度一d個度又一d, 又天婦羅, 又魚生, 又蒸水蛋, 又燒魚, 又豬肉鍋, 原來都幾飽下, 個晚我地個個都飽到七個一皮, 飽到上喉嚨咁濟!!

我地(男女各自分開架!!)(呢邊係男湯圓!)就係呢度洗乾淨身就會出去享受我地個露天溫泉!! 由於露天溫泉個度冇燈所以影唔到相!!
打 o 乒 o 乓 o 波 ~~~

食飽飽就休息一陣, 執齊架生就一齊上去浸溫泉啦!! 係日本浸溫泉就唔可以著泳褲泳衣個d, 頂多都係用條毛巾包住重要部位, 而且, 溫泉係俾你浸, 唔係俾你沖涼, 所以每次落去溫泉之前都必須洗乾淨個身先可以落溫泉!!! 係沖涼對出既地方好得意, 有得俾你打乒乓波, 沖乾淨涼我地就去露天溫泉進發!! 正宗溫泉即會有d礦物質(硫磺), 嘩, 一去到溫泉個度, 真係好大陣硫磺味!! 浸完之後, 就返去房個度, 係時候執行李鋪床訓覺!!

訓覺就要搬開個枱仔, 之後自己鋪床啦!!

唔知浸溫泉係唔係真係咁有效呢, 個晚我訓好舒服好爽呀!! 超正!! 不過, 我諗可能係前一晚俾d鴨仔, 龜仔同雞仔噪住, 攪到成個人都好攰, 所以就覺得訓得好好!!

(待續)