開年飯

今年新年, 媽媽同阿姨一家返大陸旅行, 佢地係年廿九已經出發, 初四先返, 呢幾日, 難得清靜一個人係屋企休息下, 唔錯, 唔錯....



今日年初二, 理應食開年飯, 由於全家已經出門, 故一個人係屋企食自己, 哈!!! 勁呀!!! 我自己整個豐富開年晚飯俾自己.....開年飯入面包括如下：有雞(雞翼<--阿媽出發前整定), 有肉(午餐肉), 又有湯(罐頭馬鈴薯忌廉湯)...都唔錯呀!!! wahahha...

Team 年飯(團年飯)

今年係公司左做左年半左右, 與自己team的同事都玩得十分熟絡, 故特意提出自攪『團年飯』。我地一team六人放工後先到九龍城的『方榮記』打邊爐, 大家一口氣點左好多野食, kenix本身唔係太鍾意打邊爐都願意同我地一齊食, 真是好, 仲有佢係打邊爐之前食藥(佢有久咳), 見佢食食下開始d藥發作(佢d藥有d眼訓作用), 『鐘下鐘下』, 幾驚佢真係訓著左。



食飽之後, 我地再卡啦ok直落....但首先, 我地先去百佳買左支『芝華士』,因為我地一早講好左就係去唱k的話就要飲盡佢...wahahhah...cool...我地再直上九龍地廣場的Newway唱, 可能, 九龍地冇咩人所以一入房就同我地講冇時間限制, 可以唱到第2朝5點(平時都係話唱2個半鐘, 冇人等可以繼續唱)....最後, 我地都係玩到12點散水。

痾!!!肚痾,,,,

琴日, 唔知食錯咩, 琴晚痾左成晚(自從個tea食左個餐蛋治之後, 就冇食野), 我12點鐘訓落床至朝早8點鐘, 前後應該痾左5次, 屈指一算都差不多個零鐘就要到『大口仔』先生度報到一次。

好辛苦, 成個人死下死下......

結婚????幾時呀????

上星期六下午, 原本諗住去踩單車兼順道慶祝camus兄生日, 好景不常, 咁多日唔落偏偏就我地個日就落雨, 雖則就唔係話落大雨, 但係毛毛雨都死啦, 成個地下都濕淋淋, 結果冇得踩, 最後成個下午我地幾條友就去左做香港青少年最廢活動---->卡啦ok, 成個下午就係k房渡過。原本夜晚去元朗的『大榮華』(肥韜o個間呢!!)食dinner, 牛姐就話點解要入到元朗咁遠食喎, 就係咁, 我地最後去左沙田的『龍華飯店』食乳鴿啦!!!



係食完飯之後, 大家開始傾計, 講講下,講到結婚呢個topic, 大家都開始起閧, 其實, 大家都開始傾呢幾年應該要計劃一下, 數數下大家都已經26啦(計年唔計月呀!!!), 如果30左右結, 家陣開始儲錢, 一個月2個人儲1萬--->$10,000 x 12 x4 =$480,000, 其實都好快儲到姐。 基本上係『衣, 食, 住, 行』中的『住』個方面解決到, 其實其他野都已經唔係一個問題。

死啦!!! 結婚呢回事仲好似同我距離好遠添, 係我心入面完全冇諗過呢回事, 可能, 呢d就係浪子心態啦!!!!wahahhahah!!! 不過, 我諗都係好好地讀埋個degree, 緣份呢家野都係可遇不可求, 由其是o個d冇腳雀仔....係就係我...whahahah

新春年尾大清貨

呢個星期short左都唔知發生咩事, 多野做到呀.......都唔知係唔係想大掃除, 清咁d file, 成日做都冇停手。

sem break話咁快就完左, 今個week開學啦!!! 前日, 返左堂disertation briefing, miss講左成堂, 發覺好多野要做, 死得啦今次, 預計到未來一年應該好好好好好好好好好好忙!!! 不過, 希望快快手攪掂佢, 快快手可以畢業就好啦!!!

今日, kenix彈左份工過黎, 話份工係佢friend做緊, 都幾好pay, 又唔太辛苦, 睇下我地有冇興趣, 可以send封信過去, 我都有d興趣, basically係因為佢最多可以開到18k俾我地喎...如果, 同家陣比, 真係冇得比, 同時, 我都幾想轉下環境。 係時候, 要攪攪自己個份resume....

金句 ~ 智言

其實, 係上星期日聽收音機聽返黎的, 一聽之下, 有所領悟

:『人生必須要有定位, 方向。如果尚未為自己作出定位及方向, 而盲目努力, 只會更快到達錯誤。』

2005年比想像中過得快。2006年已開始了, 希望今年本人會有所改變或進步, 以及定到自己未來路向。

原來14年冇見...

琴晚, 約左位十幾年冇見的小學同學食晚飯, 係呀!! 冇錯係小學呀!!! 其實, 事緣係由friendster開始, 我地係friendster相認返之後(嚴格d講, 應該係emmy係friendster搵到我), 就開始有ICQ or MSN上聯絡, 雖然十幾年冇見, 但都好多野講(可能係我多野講姐), 可以話係天地南北, 咩都講一餐, 但由始至終大家都係文字上的聯絡, 並冇電話的交談過。

於上年12月之時都講過出黎食餐飯, 但由於各有各忙的關係(佢返學時, 我又返學), 所以一直拖到今個星期先出黎。出黎食飯最主要目的當然係見下面啦, 其次, 就係我想係新年前, 將剛剛去完曼谷的手信送到同學仔手上。

琴晚, 相約於銀行中心門口等, 之後, 就到左『潮樓』食飯, Emmy說由於lunch去左飲茶, 食到有少少飽不是太肚餓, 故此, 我們二人只叫了一碗蠔仔粥 + 一碟鹵水拼盤, 落完order後就先交換彼此的旅行手信, 由於佢去左澳洲 & 韓國, 所以我有兩個國家的手信, wahahah...大好啦!! 唔夠兩分鐘, 剛才order的菜就到(快得驚人....), 之後, 大家就一路食野一路傾計, 不過, 整晚好似係我發問居多, haha, 成個問題青年咁。佢都話因為自己係老師的關係, 都係慣左學生問問題, 佢答, 所以就唔多會開topic講野, anyway, 發問係我強項。不過, 冇見佢十幾年, 佢講野十足十似講急口令, 簡直係一個典形香港人, 行事急促, 無論講野, 就算行步路都快過人~~~


呢份就係澳洲的手信--->用mouse時墊手的

我地就慢慢食, 快快講(佢講野真係好快), 雖然係好快, 亦都因此講左好多野。 可能, 我生活比較平淡, 自己冇咩特別, 反而聽佢講個d校園內, 老師之間的角力, 感覺好比一場真人show。 而她為滿足我的好奇心, 亦都一一告訴我知。不知不覺, 我們都由7:30左右, 食到坐到傾到9:45才埋單。

最後, 想補充一句：『Emmy, 你開始有魚尾紋啦!!!』

去完又再去...開錯頭....

前日, 同阿媽講開--->
我：『新年冇野做叫埋阿姨一家一齊入長洲 or南Y島玩兩日, 橫掂未試過。』
阿媽：『好呀, 等我問下阿姨先。』


琴日--->
阿媽：『姨丈話如果去旅行的話, 不如平平地返下大陸玩仲好啦!!! 長洲個d鬼屋住黎做埋呀!!!』
我：『哦!!!咁我去搵下資料先啦!!!』


呢份係琴日拎....

今朝係公司埋頭苦幹的時候, 手提電話響起--->
阿媽：『姨丈岩岩打電話黎話美麗華旅遊有個泰國團千零蚊左喎!!!』
我：『哦!!!咁我去搵下資料先啦!!!』

呢份係今日拎...

岩岩--->
我：『d泰國團都唔平喎, 都要成3千零蚊喎!!!千零蚊o個d係有, 不過, 要初七先出發』
阿媽：『咁貴呀!!!咁算啦!!!都係返大陸好啦!!!平平地!!!』
隔左3分鐘之後--->
阿媽：『阿仔呀! 假期都係要搭下飛機, 你估菲律賓 or 新加坡幾多錢啦!!!』
我：『哦!!!咁我去搵下資料先啦!!!』

死火, 開頭諗住平平地搭$30渡輪去長洲旅行, 點解無啦啦, 變左去搭千幾蚊飛機去菲律賓 or 新加坡旅行, 我知要孝順, 我都想, 不過, 真係冇咩錢(遲d要交學費, 成$28,000), 仲要岩岩去完旅行, 元氣大傷, 仲未復原, 家陣真係死火, 開錯頭添.......

琴日, 仲特登打完波都去馬會買返張六合彩啦, 希望過返個肥年。返到屋企就岩岩開始六合彩, 立即拎張六合彩出黎對啦!!! 一開始就中左個10號之後, 仲以為有個好開始, 點知 , shit, 就係得中得個10號就冇啦.....

難忘五日4 night曼谷自由行之旅

哈, 自考試開始以黎, 個blogger休市左一大段日子, 家陣開始寫返有少少唔慣, anyway, 都想係度寫下野分享自己一d事+感受。

先講一講今次去曼谷的少少資料先, 我, Don, 恩 & Lok(恩男友), 一行4人, 於2005年12月23日去曼谷旅行。其實, 酒店方面已經一早book左係23號-26號, total係4日3夜, 就係呢個時候竟然發生意外, 就係本人個爛鬼polyu, 突然彈左出exam timetable出黎話我last考o個科就正正係23號o個日。真係俾佢吹到”o八 “一聲, 邊”樹”有人係平安夜之前仲要考試架, 由於酒店個方面已經confirm左冇得改, 而飛機方面, 經有關人士資詢後, 去曼谷, 係冇下午機, 朝早唔去的話, 一去就要等到零晨先航機出發, 所以我地只好搭23號11:45p.m的航機出發, 同時, 就另加一晚酒店(因為23號已經少左一日, 所以book多晚, 可以玩多一日)。

好!!!廢話少講. 睇睇我個曼谷遊記…..哈…哈…..

第1日(2005年12月23日)

由於航機11:45p.m起飛, 所以, 就約班團友9:30p.m係機場集合, 各團友都準時到達機場, check in 之後, 係機場行左一陣, 就入左禁區, 一切都相安無事, 當我地去到閘口坐低等上機o個時, 個擴音器就話我地班機會delay到1:15a.m先起飛, 有冇攪錯, 我已經係坐零晨機, 仲要delay, 冇野呀! 事實終歸事實, 於是, 我地走左去機場”大家樂”坐。

終於等到1:15a.m我地上機, 嘩, 班機o.k.喎, 個個sit位都有部電視機(仲有game玩), 我成日以為係去美國呀, 個d長途機先有, 原來去曼谷d飛機都有, 哈, 飛機竟然會播『千杯不醉』, 哈, 我就由頭睇到尾, 睇到落機。

我地去到機場差唔多4:15a.m, 死, 真係就快天光, 一過關拎完行李就去睇下係邊換錢, 嘩, 機場個rate係1對5.12好低o下, 所以, 我地都係對少少先, 方便搭的士俾錢。換左錢就上的士, 由於, 大家第一次曼谷自由行都好驚俾人劫, 所以係車入面個個都冇訓, 好快, 大約30min左右就到左酒店。

一上酒店, 大家都急不及待訓, 執得行李黎都差唔多5:30先訓。咁就完左第一日。真係快……..


第2日(2005年12月24日)

我同阿Dor為左冇蝕低, 就算係勁眼訓, 訓得幾個鐘都好啦!!! 死都要起身食酒店個breakfast, o.k. 得喎…個breakfast buffet 算幾多野食, 最好食的尤其是就係由廚師親自落手煎的『抄蛋』, 正到爆!!!!!

咁食完breakfast之後, 等埋阿恩佢地起身, 都已經係差唔多12點幾。我地就正正式式開始我地『曼谷自由行』, 首先, 我地去左『林真香』換錢, o個度個rate真係高d架, 有成1對5.24架!!!...換完錢之後, 我地就上左個商場個food court食野, 食我地曼谷第一餐(breakfact唔計呀)。

食完之後, 就繼續行商場, 我地落左商場G/F的『Boot』, 我地係個度逗留左一段時間。 之後, 行經『四面佛』, 難得到此, 咪順道求下福, 裝支香。

我地之後, 行到『Big C』, 俾恩姐 & Dor睇到d女人野-----Bra, 女人呢d貼身野, 真係唔講得笑, 佢地真係差唔多攪左成個鐘。之後, 我地就坐的士去左『Mango Tree』食我地dinner, 我地就叫左個3個菜：『大頭蝦次身』, 紅咖哩抄蟹, , 都o.k好食喎….唔錯, 唔錯….

食飽飽, 我地就去夜探曼谷夜生活---真人show(sex show是也), 我地坐個d”篤篤”就同個司機講想睇”sex show”, 佢就”哦”一聲就車左我地去一間野睇, 入到去, 面口個櫃檯就叫我地交出相機, 電話俾佢地keep住, 之後再入去個表現場地一入去個幕, 就見到對一男女係度攪緊…..之後d表演都唔多詳細講, 去過曼谷睇過都知係有咩睇or想知就打黎問我啦!!!

睇完都差唔多10:00左右, 我地再去左個夜市行, 個夜市都幾大, 行極都唔完, 不過, 黎黎去去都係個d野, 由於, 第二日會去跳蚤市場(個度d野會再平d), 所以, 大家都冇係夜市買野, 去到12:00左右, 仲以為有人會倒數Christmas, 點知冇人有反應, Christmas原來係泰國唔係咁重視。 我地就返酒店啦!!!

第3日(2005年12月25日)

我地一早起身食早餐, 今日係唯一日齊人去食早餐的一日。食完早餐就搭空鐵左去『Weekend Market』, 今日天氣好好, 好到係有D熱。 旅遊書所言非虛,這個跳蚤市場大到無倫, 開頭以為行一陣就行得完, 點知, 行下行下都行到成3, 4點, 大家都各有戰利品, 滿足非常。 補充一點, 女人天性係講價, 有理冇理都講一餐, 佢地亦都以此為樂。

行左一日跳蚤市場, 大家都比較倦, 先返酒店休息, 放低戰利品。由於晚間行程, 尚未定案, 回酒店後, 再計劃一翻, 最終決定先去睇人妖show, 之後再去曼谷另一個出名夜市。

人妖show, 原來英文叫----『a gay change woman show』 哈, 真係笑死我, 原先, 我地想去『Asia Hotel』 睇的, 因為我記得旅遊書, 有介紹過。點知酒店車, 就送左我地去另一個地方, 不過, 個度就有好多旅遊車停泊, 應該專做旅客生意, 不過, 我唔知係唔係d咩黑店, 所以, 最後都堅持叫司機, 車返我地去『Asia Hotel』。
開show之後, 有少少失望, 原本諗住個場會好大(話晒酒店喎), d人妖好得好索好大(舊時, 睇阿媽影個d人妖, 佢地個胸分分鐘大個你個頭架), 點知……唉……睇相, 你就明………..

之後, 諗住行夜市啦, 仲死, 小弟, 記性差(可能頭先俾d人妖嚇壞左個腦), 帶住d團友, 轉錯車, 出錯站, 死唔死, 仲要連續出錯兩次。好彩最後都到達目的地, 行多兩行, 恩姐同佢男友仔, d渴睡症又發作(當時大約12:00左右), 話想返酒店先, 我同阿Dor本著冇蝕低”中指”, 我地唯有兵分兩路, 佢地先返酒店, 我地繼續行, 行到一間『Boot』專門店, 我地又發揮人類小宇宙, 我地拎d lotion左試右試, 最後我地都試到間鋪落閘收工為止, 我係呢間『Boot』用左好多錢呀, 計埋都成$300幾港幣(不過, 全部都係手信, 冇樣係自己用, too bad) , 一袋二袋, 我地就返酒店啦…..

第4日(2005年12月26日)

由於, 琴晚shopping勁得濟!!!攪到今日, 晏左d起身, 今日plan左朝早, 享用酒店swimming pool, 之後check out, 放低行李係酒店, 出去shopping完, 返黎再check in(因為第4晚係屈蛇)。

朝早游完水再check out。我地今日1:00左右先出去玩, 第一步, 係再shopping, 曼谷真係好多shopping 地方, 我地行左一陣見肚餓就去左一間食pizza的餐廳, 平時香港pizza係有『芝心』, 呢度就勁啦….除左可以『芝心』之外, 仲可以加香腸架……超堅…..

食飽飽之後, 再shopping, 我地今日book左一間spa做massage, 大約7:00左右, 我地到達spa, 嘩, 都唔平架, 都要成$300左右, 不過, 成間環境, 裝修, 服務, 都好好, 我覺得都值得。小弟第一次做massage , 真係特別唔同架, 原來要除晒衫架, 連under都要除架, 當然啦, 佢有條新的俾你, 一個人一間房仲有bathroom, high到爆, d services就更加very good, 佢有時見你有咩異樣, 就會問你：『Are you o.k., sir ?』, 我答『o.k』, 佢竟然答返我一句『thank you, sir』, 好好禮貌呀!!!

做完message, 都差唔多9:30, 我地就諗住去旅遊書介紹的state town的63樓餐廳欣賞曼谷的夜景, 去到個時, 點知個waiter話短褲, 波鞋唔入得。失望, 咁就只好, 係附近搵個地方吹下水。當我地吹到差唔多零晨3:00左右, 諗住返酒店個時, 竟然落大雨喎……好彩都冇咩事…


第5日(2005年12月27日)

由於last day, 由於本人要到『林真香』買手信, 於是, 就有比平日早起身, 我地一食完早餐就飛身去『林真香』掃貨, 不負各位鄉親夫老所托, 係有限時間下,買最多野食俾大家。

由於時間緊迫一掃完貨, 就馬上趕回酒店, 執拾行李。之後, 就check out, 搭的士去機場。今次, 回程係搭大機, 今次仲正, 大機d 戲仲新d, 我係回程的時候, 就睇左套『Mr. & Mrs. Smith』。

今次, 曼谷之旅終於係香港時間5:30正式結束啦!!!!

而有關旅行後感, 就遲d再補...