大小不良近況

老媽獨家泡製 - 菊花茶包去消腫!!

好似好耐冇提過呢兩隻野既情況, 其實黎緊大B就會升上小一, 岩岩上星期六原先係小一派位公佈結果, 不過就咁岩就撞正黑雨, 要順延到星期日先放榜, 好好彩, 總算係入到第一志願!! 都o.k啦!! 早幾日, 唔知大不良攪乜鬼, 左眼冇啦啦生左粒大瘡, 得返半隻眼睇到野, 嚇到老媽立即同佢睇醫生, 點知個醫生講d野仲離譜, 嚇到老媽一身汗, 當然最後就再轉去睇第二個醫生啦!! 依家總算係慢慢消左腫!!

好啦, 講完大不良就要講下小不良, 黎緊9月佢就會讀幼稚園低班, 讀既, 當然係跟返佢家姐一樣"又一村幼稚園"啦!! 兩隻野都算係返晒學, 老媽總算係可以休息下羅!!