何等天氣

沿路行去球場個時都已經好鬼好太陽!!

落左成兩個禮拜雨, 即係成兩個禮拜都打唔到波, 難得星期五個天終於開始好返d天氣, 一班朋友仔餓波餓左咁耐就立即約左琴日出黎打波, 原先係攪手提議2:30pm先開始打波, 不過有人提議不如約早d打, 最後我地達成協議就係11:00a.m就係旺角花墟打波, 就係咁, 我地呢班熱血青年就係太陽最當曬既時候出去打波!!

熱到呢!! 差d想死!!

準時既我就當然11:00a.m就去到球場啦!! 不過就有人仲早過我到球場, Kim and Vicent兩位已經一早到左球場射緊波, 其他人都遲左少少先到! 其實係琴日咁曬既天氣低下打左一兩場波, 大家都被個熱烘烘既太陽曬到體力急速下降, 我地每每打完一場波之後, 都要立即走返入去一個瓦遮涼亭度起碼休息返10 min先可以再打第二場!! 我地環觀球場四周, 哈, 原來得我地呢批熱血青年係咁熱既情況下去打波!! 雖然天氣係曬同熱左d, 不過最後我地都打左成3個鐘先走人!! 就係咁, 家陣我個膊頭就曬傷左啦!! wahahahaha!!

不過, 做運動出返身汗都真係唔錯!! 希望快d想約出黎再打波!! 不過最好就打夜晚, 打日頭波, 真係有d辛苦!!