RSS Feed (xml)
話說, 本人公司上星期五舉辦一個名為"Fun Day"既活動, 何謂Fun Day, 其實年年活動都唔同既, 今年就係全公司上下(3百幾人, 當然有d人係冇去啦)去一個叫綠田園既地方活動一番!! 呢個function簡直似秋季大旅行咁呀, 成班人柴娃娃去玩, 大公司就有d大公司特別之處!!
活動之一:自製麵包~~
是日Lunch Box: 吉野牛肉飯~
大家冇睇錯呀, 我地去Fun Day個日係星期五黎架, 閒日唔駛返工之餘, 仲可以到郊外玩下, 呢d就係正宗既Happy Friday!! 講番當日行程先, 首先, 我地當日部分同事就係九龍塘火車站等, 有旅遊巴送我地到目的地, 話晒綠田園係粉嶺個頭, 如果冇車接送, 要大家自己坐車去, d人真係啋你都有味!! 係 九龍塘上車之後, 坐左大概一個鐘左右既車程就到左目的地!!
玩完, 收工!!一踏入綠田園既範圍就見到四周圍都係d綠悠悠既草呀, 葉呀, 真係好似回歸大自然咁!! 我地當日當然唔止係參觀綠田園咁簡單啦, 係綠田園入面仲會安排一d活動俾我地一齊玩下, 例如: 整下麵包呀, 整再造紙呀, 農地實習呀, 由朝玩到大約3點左右, 之後就再坐返旅遊巴出去, 成日既行程就完晒!!
出返市區都只係大約4點左右, 由於時間尚早(因為平時大家既放工時間為七點至八點, 所以覺得4點放工, 真係好早), 所以就決定成team人一齊去唱k, 成班人唱k好開心, 最重要係第一次join佢地成班人一齊去玩, 真係幾好, 難得大家係office hour之外既時間一齊去玩, so cool!!!
6 comments:
咁開心...家下經濟唔好, 好少公司咁好..因為係政府工?
不如下次我地去下"親親大自然"呀...我需要新鮮空氣和運動一下..因為生病了..
Jessica: 你都冇留心我個blog, 我家陣暫時轉左過去一間大公司做, 呢個function係o個間大公司攪, 我乘機join埋一齊去玩, 唔關政府事!!
你就好啦, 返工日都可以去旅行, 正呀~
不如我地一齊去濕地公園丫~
天氣已經轉涼喇~
牛牛: 你果然係連返七日工開始有d無聊呀, 因為平時你都好少可會上黎留言!! 哈, 咁岩撞正公司攪function先有機會join姐!!
去濕地公園, 好呀, 你話事呀, 如果係攪開活動, 順便plan下我地聖誕節活動啦!! plan得黎, 約下人都差不多啦!!
咁唔去旅行既同事有無得放假!?!還是要照返公司坐??
好奇的人: 呢個問題...我都唔太清楚喎, 因為都冇講明話唔去就要返公司做野, 我諗基本上D人應該會去個旅行掛, 咁話晒呢D又唔駛錢既活動, 加上自己平時都唔會無啦啦走去報名玩呢D野, 大家都會當係聯誼活動一齊去玩既!!
Post a Comment