大型活動 - 聖誕節2008

曲終人散, 各取所需!!!

各位師奶塞晒入廚房煮野食!! Jackie佢只係插住袋睇野, 根本就唔係幫手~~

繼續講埋上年既聖誕活動先, 原先諗住27號個日同Lingling佢地上去獅子山度燒野食, 諗住大家可以唔駛咁辛苦咁早起身, 所以就約下午1:30係黃大仙集合啦, 集合得黎去得買野, 再坐車過去獅子山, 燒2至3個鐘, 大約6,7點大家就可以散水歸家, 頭先講緊既係最ideal既想法, 不過世事邊樹有咁完美呀, 由於都怕假期人多會冇BBQ爐, 所以都派定先頭部隊去搵位, 點知得返黎既消息就係.......d爐邊人用晒, 而且聽路透社消息講, 佢地起碼燒到6點幾7點先走!! 大件事, 因為, 小狗佢地要趕住早d返屋企見狗仔, 6點左右要走人, 而Jackie佢地6,7點又約左人食buffle要早走, 嘩, 走走下, 得返幾丁友燒都係唔係辦法!!

係大家左度度, 右度度既情況下, 大家唯有取消是此BBQ活動, 改為上Lingling屋企叫外賣食代替!! 其實, Lingling就今次BBQ為大家準備左好多野, 例如當日朝早去街市買定隻乳鴿, 整好仲包埋錫紙, 仲有d什菜, 粟米等都一早包好晒錫, 依家取消唔去BBQ, 我聽得出佢都有少少唔好開心, 因為除左d食物之外, 佢仲買定包炭諗住拎埋上去霸爐!! d野食都話可以煮左佢黎食呀, 包炭, 唔通佢要用黎幫手吸味咩!!

好多野食呀!!!

不過事到如今都冇辦法啦, 不過還好, 佢家陣屋企夠大, 仲有好多位俾佢放野(講緊包炭呀, 哈, 哈)!! 上到佢屋企, 個個都大叫肚餓, 於是就立即call KFC同PIZZA食, 當然啦, 唔少得既就係Lingling精心整好既什菜同埋粟米都唔少得要煮返熟佢黎食!!!
全部都係IKEA度買返黎, 各式其式, 你講得出黎既都有!!!

最勁個份禮物, 唔駛講就當然係william個份啦, 佢個份係IKEA既層板(超大件!!個塊板, 有成個人咁高!!!), 由小貞貞既新歡抽到!!

聖誕節少不了既節目當然係交換禮物啦!! 今次我地定左買禮物個題目, 就係限定所有人都要係"IKEA"買$100或以上既禮物, 當定完呢個題目之後, 起初以為IKEA會有好多野買啦, 原來當你想係IKEA買$100野個時, 有d又覺得佢太大舊, 有d又覺得佢冇咩用, 唔多等駛!! 真係都幾頭痛下, 幸好有位賢內助幫手買禮物, 省左不少煩惱!!