RSS Feed (xml)
兩隻牙都冇晒!!!
小不良是也!!
好似好耐冇提過大小不良, 大既返緊小1, 細既返緊低B1, 大不良家陣考試中, 成日都埋頭苦幹咁係個廳度溫習溫習再溫習!! 岩岩星期日, 大B係屋企溫習過度, 於是小休一會, 唔知係咪溫習溫得太耐, 成個人都癲癲傻傻, 佢冇啦啦係個廳度自娛跳黎跳去, 由於佢自己著住對毛毛鞋, 本身毛毛鞋鞋底都係滑dodo, 大B一個唔小心成個人向前一仆, 由於佢本身係插住個袋黎跳, 一失重心, 當然係頭先落地啦, 其中一隻門牙頓時飛脫出黎, 唔駛講佢當然係即刻喊到拆天咁啦, 再細心望清楚, 原來佢另一隻門牙都係度吊吊fig當中, 可想而知真係幾痛下!!
其實本身佢個兩隻門牙都係處於換牙狀態中, 今天意外順手同佢一次過剝晒個兩隻牙, 唔駛煩!!
No comments:
Post a Comment