小學@facebook

第一行左邊第3個就係我..........whahaha!!!九一分界, 勁呀!!!

近日有小學同學仔係facebook度開左個group, 呢個group係special for我地當年第32屆小學畢業既同學仔join!! 原先都冇咩特別, 不過, 估唔到有同學仔post返小六畢業宿營既營刊出黎, 更有人post埋d小學時影既大合照相, 而且同學仔們仲令用facebook tag photot function, tag返晒d同學仔出黎, 依家只要click返入去, 就可以見下返d同學仔添, 尤其是將各同學仔小學時個樣對比返同依家大個左個樣, 一下子望返都覺得幾得意!!

見咁人地隔離班都post左d相出黎, 於是我都係屋企都搵返小六個時自己個班既畢業合照出黎upload俾大家回味下, 真係睇返d相, 大大話話都已經係十幾年前既事, 有d同學仔就唔同晒樣, 但係有d又冇咩點變, 真係幾攪笑!!

係小學同學入面, 除左其中1,2位小學同學仲有聯絡(其實都係甚少架啦!!), 基本上我都已經冇再同其他小學同學仔有聯絡, 可以襯今次既group可以見返d同學仔都算幾好!!

另外, 睇返group入面d留言, 我發覺得d同學仔d記性都幾好, 由小一同小六自己讀咩班都仲記得, 真係好鬼勁!! 講真, 我連自己小六讀咩班都唔係太記得, 都係人地話我聽, 我先知, 不過我都仲記得自已小五同小六個位班主任係曾老師, 至於其他野就真係唔係好記得啦!!