為人父母甚艱難

朋友仔_謙謙!!

今年boxing day唔係去左拆禮物, 而係同Anna既一位"朋友仔"慶祝生日, 呢位朋友仔其實係Anna係早兩年前個時係網上面既blog度認識既, 主要係因為呢位朋友仔既爸爸媽媽幫佢開左個blog寫一d關於佢既生活趣事, Anna又係佢個blog度留言, 慢慢就同佢既爸爸媽媽成為好朋友!!

企係台前大叫上台玩遊戲~~~
同一眾爸爸上台玩遊戲, 不過謙謙就掛住睇後面個電視~!!

由於謙謙(小朋友個名!!!)鍾意火車頭Thomas, 而咁岩知道係呢段christmas期間係愉景新城會有個火車頭Thomas show, 所以就特登約佢去個度一齊玩下, 謙謙今年3歲, 其實同我個小不良一樣咁大一樣都係返K1!! 講開佢鍾意火車頭Thomas就勁啦, 只要佢見到不同款既火車頭都可以叫得出佢地既英文名, 講真個句, 我一眼望落去d火車頭, sorry, 我真係覺得個個樣都係咁上下, 分別真係唔多大, 唔好話叫我分佢地叫咩名, 要分佢地係男定女都有d問題!!!

除左個展覽之外, 係中段時間司儀邀請父母同自己既仔女一齊上台玩遊戲拎禮物, 當日由於謙謙既爸爸事忙冇閒一齊出黎玩, 於是我就暫時充當臨時爸爸, 一齊舉手爭搶上台玩遊戲拎禮物!! 我呢d大聲公, 唔駛講當然一馬當人舉手大叫上台玩遊戲啦, 哈, 勁呀, 真係選中左我同謙謙一齊上台玩!! 二話不說立即上台玩, 原來上台玩既係"傳球遊戲", 由於謙謙年紀真係太細, 手腳一來唔多協調, 二來佢根本就唔多明個遊戲玩法, 所以最後都係輸左, 不過好彩最後都有份小禮物送返!!

玩完一大輪, 又要追住謙謙(因為佢四圍跑, 怕佢撞親!!), 又要有時抱住佢, 頭先仲要上台玩遊戲, 一下子我d energy都用得七七八八!! 此時, 謙媽媽見我攰到爆燈, 於是請左我地去食個tea, 在此多謝謙媽!! 玩左成日, 真係身心疲倦, 攰到散晒, 原來同小朋友出街都真係要花不少精神&力氣, 唔怪得之, 有d父母係假日都寧願留係屋企好過出街!!