RSS Feed (xml)
家陣d人成日都係度講通漲, 由於自己唔係家庭煮婦唔駛成日走去街市買餸, 真係唔太知家陣d野貴成點!! 星期五放工, 早左返屋企, 老媽叫我落樓下百佳買返兩袋米返屋企入貨, 開頭佢同我講:『買8公斤金象米 -特價 $88.9, 好彩唔係上星期買, 上星期買要成$90幾蚊一包!!』, 嘩, 我聽一聽, 唔係呀, 家陣一袋8公斤米要成接近$90架, 仲要係講緊特價左個隻!!
我記得之前我早半年前買米好似都係大概只係$70零蚊左右, 家陣咩事, 突然間升得咁誇張!! 跟住就再走過去隔離間酒樓昅下d燒味又有冇加價啦, 嘩, 仲勁!! 家陣d叉燒要$36/半斤, 又, 我舊時去燒味檔買叉燒, 多數都係話廿蚊叉燒就足夠拎返屋企加餸, 依家咁講, $20咪最多得o個1/4斤叉燒, 份量我諗咪最多可以俾我用黎煮公仔麵做餸就差唔多, 如果當斬料加餸, $20叉燒可能只係得個幾塊, 夾兩野都已經冇晒鬼成!!
4 comments:
好彩我唔鍾意食米呀~~但係出行都發覺的野貴左....
jessica: 你呢d都唔係正統中國人, 中國人係要食飯先得架麻, 你睇堅兄成個飯桶咁就知佢係幾咁愛國!!
i love aus ar ma~~haha
jessica: 車, 邊樹有關係姐!! 照你咁講, 唔通你餐餐食fish & chips咩!!
Post a Comment