RSS Feed (xml)
眨下眼就俾人攻佔左啦!!我的兩位好甥女, 每逢星期六都會晨早流流噪醒我, 俾我訓多陣都唔得!! 正如上面個張相一樣, 大家都有眼睇到, 只要個朝我一起身走去刷牙洗面, 轉個頭返房就會見到自己張床就會變成咁既樣, 什麼圖書, 公仔, 煮飯仔玩具.........統統都已經霸佔左我張床, 想攤返床恰多陣都唔得!!! 佢地就玩得過癮, 最慘就係星期六我都要陪佢地都樣咁早起身先訓呀麻!!
講開又講, 唔知係咪凡小朋友都係咁既呢, 平日返學既日子, 要個兩隻野起身簡直係難過登天, 要鍋摌先摌得到佢地起身, 但係一到星期六&日, 佢地就會自自然然, 自動自覺咁起身!! 其實我細個讀小學個時都係咁, 一旦個日唔駛返學, 個朝早就自自然然會好鬼早自己彈左起身, 完全唔會話想訓多陣賴床!! 其實個時都諗過點解, 好可能係一來知道個日唔駛返學, 兩來星期六&日既朝早都會有好多卡通片, 一星期得個一次所以條件反應會自動自覺自己會早d起身都唔定!!
6 comments:
我近日都7點-8點比心雅bb叫醒我..冇優質睡眠..好深黑眼袋啦..星期日可以一早去食早餐囉..
>v< 好幸福的床 haaaa
jessica: 唉, 我地果然係同病相憐~~~~
咁我就好你dd啦, 我個兩隻野星期六會返屋企, 所以星期日都算有覺好訓!!
fay: 頂~~~~~我張sofa已經成為我第2張床!!
所以我以前係用碌架床 XD
fay: 咁我冇諗過班靚妹咁無良架麻, 覺都唔俾人訓!!
Post a Comment