新年前在公司的最後一天

琴日係新年前係office既最後一日, 基本上大家都冇咩心機做野!! 小安係屋企拎左d homemade既"芋蝦"返office請大家食, 大家食完之後, 都一致高度讚賞呢個"芋蝦"既味道, 同出面舖頭買個d有得fight, 小安俾人讚到當然係見牙唔見眼啦, 咁我地有得食, 咁有口福都開心呀!!

聽小安講原來佢屋企仲有整角仔, 包湯丸等, 不嬲都覺得如果識整呢d賀年或應節食品既屋企, 其實都係一件幾威既事黎架, 個個人都係出面舖頭買返黎食, 你就食d自家製, 自己整自己食, 食落去都覺得warm d, 好食d~~舊時, 阿婆係度個時都鍾意整下d蘿白糕, 年糕個d, 端午節就包下粽咁, 不過家陣後生個輩(我老媽個d)都唔多識整, 失傳左, 所以家陣都冇d homemade野食(平日個d屋企飯唔計啦!!!)

小安你既煩惱事, 都係過埋年先諗啦!! 新年要開開心心!!! 老張講既野都值得一諗~~不過, 重點都係睇返你自已既意願啦, 想就去馬, 唔想都冇謂迫自己!! 無論如何, 我都撐你架~~