我要做model

攝影師正示範動作俾model睇, 如何示演動感~~~

話說, 上星期友伴的好好好好朋友結婚, 友伴順理成章做埋伴娘, 做得伴娘自然有件伴娘衫架啦, 友伴見租左套伴娘衫用得唔好"晒", 所以就係第2日約埋佢位鍾意攝影既朋友, 同佢影set沙龍!!

星期日, 我地一行4人就由攝影師帶領, 去左一個唔講唔知, 講左都唔知既好地方影相 - 鯉魚門, 開頭以為鯉魚門真係得海鮮食姐, 原來再左轉右轉入到去之後, 又發現一個新景象, 個度環境尚算優美, 一大篇空地, 再加上幾座廢置左既屋仔, 最重要既係冇咩人去, 成個地方我地玩晒!!

正式開始, 當日我既工作, 除左係model既媬姆之外, 同時要兼任拎住塊反光板"打燈"!! Model既工作就係不斷擺post, 笑, 笑, 笑.......哈, 唔係講笑, 查實就咁淨係睇住佢不斷咁做呢動作, 擺post, 都真係有d攰!!! 唔覺唔覺, 影影下都影左3個鐘都有! 嘩, 影完之後, 返屋企先發覺原來成日都暴曬係陽光底下, 不自覺咁塊面同對手都曬傷左~~~ 依家個鼻有少少甩皮!!!