日本中部之旅(十五)刧後餘生【18/4 - Day 7】

飛驒牛肉專店~~隔離有條小河川入面養住d錦鯉!!

大家行完個死亡雪山之旅後, 終於都落返山, 大家都急急腳上返我地既旅遊車, 佐係領隊就比我地更加辛苦, 因為佢要繼續揸車!! 大家雖然食左個豐富既早餐, 但畢竟雪山之旅消耗左好多energy, 所以大家都想快d搵個地方食返餐好!! 經領隊Henry揸左一輪車之後, 我地路經飛驒古川於是Daisy就係旅遊書度搵下呢度有咩出名既餐廳, 唔駛講, 佢當然係搵佢呢幾日想食好耐既"飛驒牛肉"既餐廳食啦!!

飛驒牛肉專門店~~
最貴個set可以去到成3舊水架!!
我地只係食左個1500円定食~~
定食1號~~
定食2號~~
另加每一人一串飛驒牛串燒!!!

哈, 不負所托, 又真係俾佢搵到喎!! 我地就係呢間"飛驒牛肉專門店"度醫肚啦, 以眼所見成間餐廳基本上除左飛驒牛之外, 好似冇其他野食!! 合晒領隊Henry & Daisy"河車", 一入到去佢地兩位好似發晒光咁, 哈, 佢地真係食牛食上癮!!! 我地見到有d定食可以貴到幾百蚊一個, 好勁呀!! 我地就冇咁富貴只係食左個1500円($114)定食就算啦!!! 可能我地食既唔係特上牛肉既關係, 食落去既感覺都係一般!! 不過, 我諗如果我地食幾百蚊個d定食, 應該真係會入口即溶既牛肉都唔定!! 不過, 食完呢一餐, 大家都可以飽飽咁充滿返energy, 再一次出發去下一站, 亦都係我地日本中部之旅最後一晚住既地方 - 郡上八幡!!!

係附近影返兩張相~~
飛驒古川既河川入面會放d錦鯉游水~~~

係未出發之前, 大家係飛驒古川呢度四周圍再影一影相, 因為原先我地既行程係唔會經過呢度, 難得黎到, 總算有緣! 另外, 領導Henry話, 如果唔係睇日要飛返香港, 其實飛驒古川聽日同後日(19/4 &20/4)都會有個"古川祭"可以睇下, 古川祭既第一晚會有d裸男(有著褲既, 只係赤裸上身姐!!!)抬住個大鼓一路打一路繞城一周!! 當然除左裸男打鼓之了外, 仲有其他好靚既屋台巡遊啦!!

(待續)