日本中部之旅(十六)【18/4 - Day 7】好民宿

門前仲有棵櫻花吊住係度, 幾靚下!!
係玄關側邊有個小廳俾人休息下!!

頭先我地食完馳名飛驒牛之後, 再次出發郡上八幡, 當然首先搵左我地今晚要住既落腳點先啦!! 今晚同之前個幾晚一樣都係會住民宿, 其實呢一間民宿, 主要係領隊Henry睇過Macy遊記之後, 係Macy既極力推介之下就book左呢間民宿, Macy所言非虛, 係我地住左咁多晚民宿黎講, 呢間民宿可以話係平靚正呀!! 當然, 之前個d民宿既主人都係好好既, 但係以房間, 環境同價錢黎計, 呢間就真係唔錯!!!係喎, 講左咁耐都未講呢間民宿叫咩名添 -呢間民宿就係叫奧美濃莊!!!

房間唔算細!! 起碼大過我屋企間房!!
我地一人一間房!! 又有電視機, 又有枱仔!!
我間房望出去個景~~都係我間房望出去既景~~

講返呢間民宿先, 佢係我地住咁多晚民宿以黎最平既一間, 雖然係平但唔代表佢d野好差, 我地一行四人, 主人居然係可以俾我地訓一人一間獨立既睡房, 仲要每間房都唔係細個隻, 又有張枱仔, 電視機, 而且住係二樓, 對出去個景又靚, 真係好好呀!! 最重要既就係每間房都有部獨立既電視機, 黎到日本, 有好幾晚都係冇電視機睇, 真係好慘架!!

房間出面既走廊!!一目了然!!
成排漫畫書任睇, wahahahah~~

另外係走廊度仲特別放左個書架, 入面全部都係d漫畫書, 哈, 岩晒我呢d鍾意睇漫畫書既人, 雖然係日文, 不過睇公仔基本上都明佢講d咩既, 當然我唔會選金田一個類漫畫書黎睇啦, 個d漫畫唔睇字根本冇可能睇得明個內容!! 我地去到民宿之後, 主人首先帶我地參觀一下間屋先, 順道話俾我地知係邊度係浴室同埋廁所, 之後我地返房執一執行李, 見天未黑就出去行左一陣街, 到左6:30p.m左右就返去食晚飯啦, 一如以往, 好多野食!! 好好餸!! 今日最好既就係有天婦羅蝦, yeah!!

(待續)