雜

去完旅行返黎都已經兩個星期, 個人終於開始回復返d狀態, 係時候又重新努力工作&溫習!!!

xxxxxxxxxxxxxxxxxx

星期三, 咁岩見到有紅十字會黎到我office個邊, 做流動捐血站, 見好耐冇去捐血, 又方便所以就去左捐血, 睇返張捐血卡, 對上個次捐血已經係06年個時, 嘩, 真係咁耐冇捐架啦!! 真係得閒去捐多d先得!! 仲有, 捐埋今次就係我第10次既捐血, 當然同個d捐左100次, 200次個d比當然係小巫見大巫, 不過總算係過左單位數~~~

xxxxxxxxxxxxxxxxxx

琴日放假, 友伴提議去沙灘(唔係去游水!!!), 友伴提議話去清水灣, 係我心目中清水灣除左有電視城之外, 基本上係唔會有其他野!!(咁我係未去過呀麻, 鬼知咩!!!) 所以琴日就係清水灣坐(訓)左大半日, 休休閒閒坐係海灘聽下海浪聲, 又唔係太多人, 而且仲有好多爸爸媽媽帶d BB去玩, 過左一日, 都不失為一個好去處!!