醒腦醒神

第4, 5行, 見到麻!!!

近日既生活都不外乎煩緊份dissertation, 之前講過自己有"注意力失調症 ", 之前大多數都係會走去飲咖啡黎協調返自己個精神狀態. 直至前排, 幫阿妹考牌個時, 見佢同partner話飲呢隻"有特殊配方"既葡萄適(係阿妹口中形容呢支野叫"子彈", 你冇energy個時, 就用佢黎上彈), 可以提升思維潛能. 之後就試下飲啦, 唔駛下下飲咖啡好鬼死寡架麻, 飲完之後, 又好似o.k得喎!! 之後就開始多左飲葡萄適, 突然間, 有一次心血來潮, 走去睇下個樽背寫左d咩成分, 可以飲到個人咁high, 唔睇由至可, 一睇, 原來呢支野既成份其中入面有"咖啡因 + 人參提取物"!!

唔怪得之飲完佢之後, 個人可以咁醒神啦!! 不過, 都好既, 咪當飲下甜味咖啡, 唔駛下下成口都係咖啡味, 甜甜地都唔錯....幾甜~~~

小安見你今日眼訓, 介紹左呢支醒腦醒神俾你, 得唔得呀!!! 係唔係幾甜下呢!!