RSS Feed (xml)
咬左幾啖先醒起要影相!!! 當順道俾個橫切面俾大家睇~~其實已經好少去麥當當食野, 一來佢已經再唔係舊時咁一個餐一張廿蚊有找就可以賣到, 感覺上同一樣野, 要付出多幾蚊去買, 我覺得幾唔化算(我係咁婆仔!!!吹咩~~), 二來自己知自己事, 呢d唔多健康既野都係少食為妙!!
之前曾經講過想試下食麥當當新出既至尊漢堡, 今日有機會食到, 嘻!!! 唔係講笑, 真係幾好食下!! !佢個塊牛肉真係幾厚下, 當然啦, 你咪諗住買返黎之後, 真係同佢影個硬照一樣咁厚身, 好明顯呢個係冇咩可能架啦!!! 不過, 我自問都屬於口大食四方之人仕, 面對呢個包既時候都要將自己個口傾盡全力咁撐大, 方可品嚐到其自家推介個7層口感之味道, 如果對於一d櫻桃小嘴既女仕, 就麻煩佢到一d人少地方先好食呢個包, 如果唔係既話, 一定會狼狽不堪, 失禮於人前~~ 大家有機會就快d去試下, 套餐-->$24.8
^^ 原來幸福就係咁簡單!!!
p.s: 食指仲有少少痛添~~嘻~~
5 comments:
i loving it~
fay: 你今日食左未呀!!!
我唔食咁生的番茄 =/\="
係咪間間都有送zero架
我見銅鑼灣食e個餐有zero送
fay: 車, 唔怪之, 你病啦! 你偏食, 食個時你大大啖咬落去, 你唔覺有蕃茄既存在架!!!
._. 冇錯 我又咳過xd
Post a Comment