RSS Feed (xml)
最前個盒就係咖央西多 - 佢主要係用蛋漿做面, 之後再兩面煎, 所以就冇普通既茶餐廳個d西多咁多油!! 今日過開深水埗黃金買d野, 見岩岩好下午茶時段, 所以就順道買d野返屋企同老媽黎個下午茶撐枱腳!!! 深水埗就有三大出名食舖: 維記潤牛麵, 公和豆品, 譚仔米線!!! 下午餐就唔好食咁飽啦, 所以就放棄左買米線返屋企, 於是就走左去維記買野食, 維記除豬潤麵出名之外, 我就覺得佢地d咖央西多都好好食, 所以就買左兩個返屋企, 而另外, 得咖央西多又好似單調左d, 所以就行埋去隔離公和豆品買埋煎釀豆腐 & 豆卜, 另加多支冰凍豆漿, cool ( ! )
其實, 買完之後, 先發現屋企就只得我同老媽, 兩條友應該食唔到咁多野, 事實勝於雄辯, 老媽最後只係食左3件西多, 我差唔多食左個半件西多, 真係飽到上喉嚨!!!
深水埗有好多美食, 大家如果諗唔到去邊食野, 深水埗都係一個唔錯既選擇, 當然啦, 呢度食個d野都係小吃類, 如果想坐低傾計既朋友, 呢度就唔係太岩啦!!!
維記潤牛麵
地址:深水步福榮街62號及66號地下及北河街165-167號地下D號
電話: 2387-6515
公和荳品廠
地址:深水步北河街118號
電話:2386-6871
| |
4 comments:
其實深水埗有好多好野食家, 我細路仔時成日食街邊野, 家下都冇啦, 好可惜! 好彩小燊同我有相同記憶, 佢屋企人以前係深水埗做毩茶餐廳, 只係我想唔起邊間呀.
不如約阿牛佢地去深水埗食野呀
Jessica: 嘩! 係深水埗食野會食到好似你咁架, 巧驚驚呀!! 你條友仔, 唔好係我個blog度留言, 講埋d咩小燊呀個d野好喎....我除左識蠟筆小新之外, 其他小燊, 小生, 小son, 小sun, 我都唔識個喎...
ok wor, 你識寫咁多"燊"字.
jessica: 我都話我好淵博架啦...你又唔信...
Post a Comment