RSS Feed (xml)
成張枱都係野, 亂到嘔!!
時間係8:00p.m, 其他同事都走晒, office部份既燈都熄埋!!
全部走晒, 連走廊都熄埋燈, 真係伸手不見五指!! 之前曾經提過係office冇電腦用, 早陣子有同事走左, 有個位可以讓出黎, 家陣有電腦用, 而且仲有個20"既LCD mon用, 太好啦!! 由於工作關係, 係新地方, 真係咩都唔識, 又要睇PNAP(Pratice Notice for AP), 又要睇BO(Buildings Ordinance) , 又要睇Code of Pratice, 真係睇到人都癲!! 所以有時放左工, 而又冇街出既話, 多數都會留係office睇下file, 順道溫下書!! 要睇既野實在太多, 如果唔係公餘時間睇下書, 溫習下, 真係好容易俾人拋離!! 而且係呢度只會逗留5個月, 而係呢個section係最多野學, 所以要係臨走前學晒d野為止先得!!!
家陣係office, 日日都有好多野做, 所以即使有個20"LCD mon係我面前, 基本上我都好少用到!!! 真係有件玩具擺係前面, 你又唔得閒玩, 個種感覺真係幾難受, 好慘呀!!! 仲有, 呢個office好衰, 到左6:05 p.m就會好準時咁熄埋個冷氣, 由於係中央冷氣, 所以係冇得開返個冷氣, 好彩黎緊係冬天姐, 即使屈係office都唔會太焗, 唔係既話真係會缺氧而死!!
6 comments:
肥仔,留到8點幾仲喺OFFICE? 咪扮勤力喎,HAHA。
下次可以搵我食晚飯,因為我都會stay喺OFFICE,唔會咁早走。
好多野要讀,讀到痴線。
熱既話咪當焗下桑拿囉,順便可以幫你減埋肥添!
alan: 肥仔, 溫書就唔食野啦!! 食野就眼訓, 你冇聽過:『飽暖思床褥!!!』唔食啦!!
倫爺, 我冇你咁聰明, 唯一可以做既咪就係將補勤拙羅!!!
桑拿界代表: e, 朋友你咁講, 我放左工如果留係office個時, 係唔係好似焗桑拿咁, 除晒d衫, 淨係用條大圍巾包住自己, 再用條毛巾仔蓋係自己頭頂度呀!!! 咁又駛唔駛除埋眼鏡呀~~~
肥仔,咪玩啦,我班老細s就真係三日唔埋兩日就同我講"alan,將勤補拙啦"...
加油啦,肥仔.
alan: 咁多老細呀, 咁咪即係睇重你羅...你似講到夜總會個d舞小姐, 有好多老細圍住你咁喎...哈
Post a Comment