RSS Feed (xml)
自上上年為小狗結婚而做左我人生第一次既姐妹之後, 人稱港版小燕子既Jackie(之前佢影完d結婚相之後, 家陣話自己似關詠荷多d喎( ! ) )亦將於本年1月結婚, 本人有幸得邀請再次當上姐妹一角(我面皮厚姐, wahahhaha!!!)
由於Jackie婚期將近, 我地一班姐妹都唔係白逗開門利是, 於是今日就約左出去食個tea商討下朝早新郎哥接新娘子時候玩咩遊戲好!!! 唔知係唔係大家平時工作壓力太大, 一眾姐妹講埋個d遊戲似想玩死一眾兄弟及新郎哥咁, 我自己聽完都為兄弟們及新郎哥抹一額汗, 同時興幸自己歸於姐妹一方!! 正因為我係姐妹個邊, 唔駛我去玩喎, 我當然有大大大大力加多兩句!!! 我仲同班姐妹講左一句金句: 『我地玩遊戲既目的, 就係將兄弟及新郎哥既無謂尊嚴完完全全降到零!!!』 好明顯, 從呢班姐妹們所提出既遊戲中, 完全深深體驗到何謂將尊嚴放到最低!!
總之一句講晒!! 新郎哥, 小心d啦!!!
另, 今日發現左一件事, 原來上次Jackie派俾我地呢d兄弟姐妹既請帖, 原來係特別限注版黎架, 夾埋只限派發100張左右, 其餘人仕所收到的將會係酒樓特定平民版, 唔駛講, 當然係我地呢d限量Liminted版靚好多啦!!
2 comments:
其實都係要多謝Gary哥你俾面啦~ 不惜紆尊降貴, 堂堂一個大男人黎做的地既姊妹.
不過搵個男性做姊妹都有個好處既, 因為我地承諾, 所有係d玩新郎/兄弟既遊戲, 都要係呢位多左小小野既姊妹身上示範出黎. 咁樣各位姊妹更容易了解到d遊戲既威力, 玩得更加盡興啦~
而你個句金句, 我代表所有女性表示歡迎~ 阿奶, 阿牛結婚個日,可以放心玩呢位兄弟了~ 哈哈~
小豬豬: 唔好話紆尊降貴咁誇張, 我可以做到你既姐妹團入面一員, 都實在感到榮幸!!!
各位姐妹美貌與智慧並重, 腦筋應該係十分靈活, 你地既腦袋完全可以諗得到任何天馬行空既事, 唔駛下下都要(係我身上)實踐出黎先知個效果, 而且一早知到個效果既話, 咪完全冇晒個種驚喜!!!
仲有呀, 阿牛結婚個時, 你想玩我地呢班兄弟, 哈, 我可以話你知, 你地將會徹底失敗, 因為, 我地係唔會同陳志堅頂遊戲架, 我地既工作最多都只係會同佢吶喊助威, 其他事, 我地一概不理, 大不了, 最多都係走人, wahhahaha!!!
Post a Comment