RSS Feed (xml)
上星期五, 校友余弟兄生日, 一眾好友當然義不容辭為佢慶生啦!! 今次由Jessica發板提議去"盛八", "盛八"是一間日式烤肉店, 其出名主食和牛, 當然除左牛肉之外, 仲顧及到唔食牛肉既朋友, 都有雞肉 & 豬肉既選擇, 不過, 係Menu入面接近8成既食物都係以牛肉為主角啦!!
環境暗暗的~~不過, 唔多油煙!!!
咪就係得個幾塊羅~~~我地最威威叫左個$250既日式和牛(一碟都係6塊左右!), 開頭個時大家都唔知佢咁貴(因為Jessica點菜的!!), 呢碟和牛一上, 余弟望一望個Menu就大聲叫左一聲:『嘩, 呢塊野, $250架!!! 大家小心d燒呀!!』哈, 於是大家都小心翼翼好好處理呢幾塊貴價牛!!
唔知係唔係我對食物既要求唔高呢, 呢度d野食感覺上都係一般, 冇咩特別, 好好食, 又唔叫得係, 但又未至於唔好食, 頭先個句 - 一般啦!! 不過黎呢度食過, 總算知道咩叫日式烤肉店!! 特別一提, 尖沙咀呢間分店d抽風做得唔錯, 開頭以為會好似韓燒個d煙霧迷漫又怕d大褸會吸到d油煙味, 哦, 原來即使整間舖都坐滿人係度燒烤都唔覺好大煙, 唔錯, 唔錯!!
唔知係唔係我對食物既要求唔高呢, 呢度d野食感覺上都係一般, 冇咩特別, 好好食, 又唔叫得係, 但又未至於唔好食, 頭先個句 - 一般啦!! 不過黎呢度食過, 總算知道咩叫日式烤肉店!! 特別一提, 尖沙咀呢間分店d抽風做得唔錯, 開頭以為會好似韓燒個d煙霧迷漫又怕d大褸會吸到d油煙味, 哦, 原來即使整間舖都坐滿人係度燒烤都唔覺好大煙, 唔錯, 唔錯!!
頭先講左, 碟碟食物都係得個幾塊, 我地邊樹會食得飽呀, 大家諗諗下咁叫都唔係辦法, 再叫起碼叫多幾十碟先夠!! 而咁岩Jaemi講開老麥新出既"椒財板燒牛肉飽"幾好味, 於是就提議不如埋單去老麥食多餐, 平、靘、正!! 以塞飽個肚為大原則, 坐言起行, 於是, 大家拿拿臨執拾行裝轉架部, 轉個彎就到老麥, 再開餐, 個包, 一般啦, 大家可以唔需要特別去試, 因為都唔係特別好味, 簡單一句, 黑椒牛肉飽羅!!
咪講笑, 有相為証, 真係食多餐~~~
咪講笑, 有相為証, 真係食多餐~~~
"椒財板燒牛肉飽"食完之後, 大家都各自散水, 余弟兄, 過多幾年就要叫你做余老兄架啦, wahahah, 生日快樂, 仲有, 你份禮物, 快d諗, 唔係我地就cut左你架啦!!
地點: 尖沙咀亞士厘道23-25號雅士利中心3樓
電話：2366 8866
菜式: 日本菜 (日式西餐廳, 燒烤)
6 comments:
首先，多謝和位“老”友為我慶生辰！
講開“老”友，睇倒上面張大合照，查實大家個樣都keep得幾好，不外乎廿五之齡，樣子對比起同齡的硬係少咁幾年，加上睇返上次自己o係老麥換包既“柯個”野，簡直十年如一日，冇乜成長過。所以過多幾年你老兄相信要繼續叫返我做弟兄。:p
禮物方面，出緊力諗，慶祝jaemi年廿八之前必能回覆。
我會send番你同軟硬(formboard)係老麥拍照比你家, 因為你好後生呀.
生日快樂, 下次大家唔好再講慶祝幾多歲啦.
我地自己人一定知家啦.係咪!!>0<
Camus: 冇計, 我地成班人都係童顏, 個個都好似唔曉大咁, 咁咪好羅!
早兩日之麻, 一位好耐冇見面, 移民左去外國, 呢排返左黎香港既老街坊, 一見到我就同我講:『返學, 放假未呀!!!』 真係標冷汗呀!!
朋友, 你做返個男人應該用的事, 做男人就應該要為女士就要挺身而出麻!! Come on, Man d!!! 要做返個"佬", 麻甩佬~~~
jessica: 老J, 你都唔係好老姐, 何況你都有目標啦, 正所謂:『淡定有錢淨!!』
"漂洋過海", 以後, 我地去澳洲有冇得免費住宿就睇你啦, wahhahaha, 在此祝福你!!!
p.s: 仲有, 各校友, 我已經將camus birthday個日d相已經upload左上網, 條link都send左去你地個e-mail a/c度, 自己download返佢啦!!
有target咋, 都尚未知下回結果如何..
要去澳洲再睇下點先..可能到個果moment, 我冇感覺哩..哈哈
當然, 家下都好想立即去找答案...
冇你咁sweet lor..有情飲水飽啦!!
jessica: feel呢d野好難講既, 俗語一句:"不過小別勝新婚", 唔見咁耐, 可能一下子個feel黎得更強烈呀!! 火辣辣~~~
Post a Comment