牛, 牛, 牛

上星期五, 校友余弟兄生日, 一眾好友當然義不容辭為佢慶生啦!! 今次由Jessica發板提議去"盛八", "盛八"是一間日式烤肉店, 其出名主食和牛, 當然除左牛肉之外, 仲顧及到唔食牛肉既朋友, 都有雞肉 & 豬肉既選擇, 不過, 係Menu入面接近8成既食物都係以牛肉為主角啦!!

環境暗暗的~~不過, 唔多油煙!!!

趁朋友未到齊, Jessica就叫左個沙律食住等, 個沙律都係一堆菜啦, 不過, 佢個sourse就好好味, 亦都好特別! 朋友們都陸續到齊, 就開始叫野食, 基本上我地一行9人, 叫左幾多野下, 貴就唔係好貴, 大約約$60-70一碟左右, 不過, 佢個d份量感覺上好似少左d, 好似得6-7片左右, 諗諗下一塊咁既野圍埋都要成$10 /塊, cool!!!!

咪就係得個幾塊羅~~~

我地最威威叫左個$250既日式和牛(一碟都係6塊左右!), 開頭個時大家都唔知佢咁貴(因為Jessica點菜的!!), 呢碟和牛一上, 余弟望一望個Menu就大聲叫左一聲:『嘩, 呢塊野, $250架!!! 大家小心d燒呀!!』哈, 於是大家都小心翼翼好好處理呢幾塊貴價牛!!

唔知係唔係我對食物既要求唔高呢, 呢度d野食感覺上都係一般, 冇咩特別, 好好食, 又唔叫得係, 但又未至於唔好食, 頭先個句 - 一般啦!! 不過黎呢度食過, 總算知道咩叫日式烤肉店!! 特別一提, 尖沙咀呢間分店d抽風做得唔錯, 開頭以為會好似韓燒個d煙霧迷漫又怕d大褸會吸到d油煙味, 哦, 原來即使整間舖都坐滿人係度燒烤都唔覺好大煙, 唔錯, 唔錯!!

頭先講左, 碟碟食物都係得個幾塊, 我地邊樹會食得飽呀, 大家諗諗下咁叫都唔係辦法, 再叫起碼叫多幾十碟先夠!! 而咁岩Jaemi講開老麥新出既"椒財板燒牛肉飽"幾好味, 於是就提議不如埋單去老麥食多餐, 平、靘、正!! 以塞飽個肚為大原則, 坐言起行, 於是, 大家拿拿臨執拾行裝轉架部, 轉個彎就到老麥, 再開餐, 個包, 一般啦, 大家可以唔需要特別去試, 因為都唔係特別好味, 簡單一句, 黑椒牛肉飽羅!!
咪講笑, 有相為証, 真係食多餐~~~

"椒財板燒牛肉飽"

食完之後, 大家都各自散水, 余弟兄, 過多幾年就要叫你做余老兄架啦, wahahah, 生日快樂, 仲有, 你份禮物, 快d諗, 唔係我地就cut左你架啦!!

盛八

地點: 尖沙咀亞士厘道23-25號雅士利中心3樓

電話：2366 8866

菜式: 日本菜 (日式西餐廳, 燒烤)

仙藥

琴日講過, 有時d集中力不足既時候, 怎麼辦?? 冇得走去訓覺, 就唯入"對"返罐咖啡提提神, 都唔係講笑, 咖啡呢家野, 係我枱長期都有罐咖啡坐陣, 一旦出現集中力失調既時候, 就會立即開黎飲, 真係萬試萬靈!!! 勁呀!!!

雖然話就話萬試萬靈, 不過有時都唔係好掂(失靈!!!), 死啦, 你睇下我呀, 又做做下野走黎打blog啦, 都係做野先~~~

有精力, 冇集中力

近日唔知咩事, 人就好精神下(都係一時時), 不過, 梗係集中唔到精神!!!

返工個時成日都做做下野, 個人有時會突然間雲遊太空, 唔知飛左去邊, 所以有時一旦集中到精神做野, 就要快快手一口氣做晒去, 如果唔係, 真係唔知幾時個人先可以回返魂!!! 有"集中力"做野, 同冇"集中力"做野個feel真係唔同d架!!! 成個人都會積極起黎, 有問題個腦都可以轉得好快咁解決到!!!

究竟發生咩事呢???

我要做model

攝影師正示範動作俾model睇, 如何示演動感~~~

話說, 上星期友伴的好好好好朋友結婚, 友伴順理成章做埋伴娘, 做得伴娘自然有件伴娘衫架啦, 友伴見租左套伴娘衫用得唔好"晒", 所以就係第2日約埋佢位鍾意攝影既朋友, 同佢影set沙龍!!

星期日, 我地一行4人就由攝影師帶領, 去左一個唔講唔知, 講左都唔知既好地方影相 - 鯉魚門, 開頭以為鯉魚門真係得海鮮食姐, 原來再左轉右轉入到去之後, 又發現一個新景象, 個度環境尚算優美, 一大篇空地, 再加上幾座廢置左既屋仔, 最重要既係冇咩人去, 成個地方我地玩晒!!

正式開始, 當日我既工作, 除左係model既媬姆之外, 同時要兼任拎住塊反光板"打燈"!! Model既工作就係不斷擺post, 笑, 笑, 笑.......哈, 唔係講笑, 查實就咁淨係睇住佢不斷咁做呢動作, 擺post, 都真係有d攰!!! 唔覺唔覺, 影影下都影左3個鐘都有! 嘩, 影完之後, 返屋企先發覺原來成日都暴曬係陽光底下, 不自覺咁塊面同對手都曬傷左~~~ 依家個鼻有少少甩皮!!!

攪一大輪

黎緊個星期日, 小燕子Jackie終於嫁得出, 我地一班姐妹傳統上係個朝早新郎接新娘既時候, 少不免都要玩下d遊戲, 繼上年小狗結婚"愛的宣言"由本人親自度出黎之外, 今年, 再一次encore由本人度橋!

哈, 人大了老啦, 一下子d急材迫唔到出黎, 幸好有奶奶同主人家幫手! 上星期, 運用資訊發達既互聯網作溝通既橋樑, 我地三條友係office hour既時候, 不斷咁各自作完一段就send e-mail俾大家, 等大家comment, comment又再修改, 修改完再comment, comment完又再修改................重重復復, 幾日之間, 大家互send左最少20-30封e_mail, 幸好最後終於定到副愛的宣言對聯出黎, 仲有奶奶特別搵人製作左一副特別版version俾jackie(上圖)!!! 當然啦, 正式當日, 唔會用特別版出黎~~~~~

我真係咁攪笑咩???

唔知係唔係我個人真係咁似曉攪笑呢, 成日都有人冇神神突然間彈一句同我講:『喂, 講個笑話黎聽下呀!!!』, 前日同琴日都有不同既人用一個語氣黎同我講左同一句野!

前日係Lunch既時候, 同同學仔們一齊食飯, 食食下飯, 突然間Mandy講:『Gary, 講個笑話黎聽下呀!!』

到左琴晚, 與友伴傾電話途中, 友伴又突然講:『講個笑話黎聽下呀!!』

其實係我記憶中, 都唔係第一次有人咁同我講呢句說話, 曾幾何時, 有d朋友無聊打黎搵我吹水(佢地通常都係等緊車又或者坐緊車冇野做, 搵人kill time), 有時都會第一句打黎又係講呢句!! 但係又唔知點解, 有時本人腦筋轉得快, 又有貨交喎, 當然啦, 有時都會因為呢句而dead air啦!!

不過, 總括黎講都唔會令人太失望既, 同時感謝各朋友, 咁睇得起我, 如果我真係可以為大家帶來歡樂, 何樂而不為呢, 身邊的朋友及友伴啊, 我希望你們都可以開開心心生活的啊, 如果有咩唔開心, 隨時搵我啦!! 我會時不時都儲定d貨等你地架, whhahahahaha!!!

昆蟲大格鬥

日本仔無其不有, 真係咩都玩一餐, 岩岩上網睇到個web-site, 日本仔將d不同既昆蟲放入一個透明玻璃箱入面, 之後就由得佢地打生打死, 螳螂, 蜘蛛, 蜈蚣, 蠍子, 大蜂, 大甲蟲, 草蜢咩野都有, 個感覺好似好耐之前d阿伯爺年代個時玩鬥蟀一樣, 睇開就繼續想埋落去, 睇下邊隻昆蟲可以打贏!!! 真係開始明白, d伯爺點解咁鍾意玩鬥蟀!! 睇落又真係幾好睇!!!

http://www.japanesebugfights.com/rules.htm

睇牙醫, 有錢賺

話說本人之工作福利之一就係可以免費去睇牙醫, 於是book今日去睇牙啦!!

講開睇牙醫, 我記得對上個次已經係係大學讀書既時候, 大大話話都已經係6年前既事, 再再對上一次睇, 應該要數到去小學既牙科保健!!! wahahhahaha~~~ 真係好耐都唔睇一次啦, 即使生左智慧齒, 見唔痛, 都費事走去睇牙醫!!

原先想book其他就腳d既醫院既, 不過其他方便d既醫院已經排期排到差不多需要大半年之後(嘩, 做牙醫真係好, 真係咁多人去睇個喎!!!), 而呢間就只需2個月時間就有得睇, 所以就快快book左葵涌醫院呢間!!! 其實book落左之後, 又開始有少少驚, 冇咩人book, 會唔會係呢度d人有問題, 又或者有d野先冇咩人book~~ 唉, 既然都book左, 只好"既來之, 則安之!!!"

今朝晨早流流起身梳洗完(查實都已經係9:00 a.m)就出發去葵涌醫院, 好彩係booking時間前去到(book左9:45a.m), 時間岩岩好!! 成間牙科珍所, 真係冇其他病人等緊, 唔係真係咁恐怖呀!!! 護士姑娘叫我入去, 幸好, 醫生都好nice, 首先, 幫我initial checking, 之後就好似同d小朋友口吻講野同我講:『d牙都刷得唔錯, 但係其實可以仲好d, 刷牙個時...............』於是佢就三言兩語, 好清楚簡單地解釋如何正確刷牙!!

真係咩人都冇架!!!

牙醫話見我第一次去睇牙, 就順手幫我做一次X-ray, 過程亦十分好笑, 話說, 原來牙醫間房除左係睇牙之外, 同時都係一個小型既X光室, 當佢叩我坐定定個時, 聽到佢同個護士講;『出去出去!!!』, 就見到佢兩條友雞咁腳走左出房, 出去之後仲要關埋房門!!

醫生房是也!!

於是, 就開始洗牙步驟, 係佢洗牙既同時, 又同我講我隻智慧齒頂住左其他d牙, 問我剝唔剝, 好明顯係洗緊牙個一刻我就冇咩可能講到野, 如是佢就一路同我洗牙, 就一路同我解釋, 剝又有咩好處, 唔剝又有咩唔好處!! 洗完牙之後, 我終於可以講到野, 佢就問我考慮成點, 我就只係問左一句:『剝一隻要幾多錢架???』, 佢話:『唔駛錢!!!』, wahahhahahah, 我諗都唔駛諗就同佢講:『好, 剝晒佢呀, 唔該!!!』

Hehe, 就係咁, 我就book左黎緊3月去剝我既智慧齒啦, wahahahhaha!!! 發達, 唔晒俾錢剝牙, 仲要剝智慧齒, 賺左!! (O.K, 我係咁婆仔架啦!!! 不過, 話晒呢d係錢黎架麻, 用呢舊錢去旅行都不知幾爽呀!!)

公司窗外環境

這就是公司窗外的環境, 當然唔係自己個位對住既窗口位咁爽啦!!! 不過, 呢d就係所謂既靜中帶旺!!!

一路帶動生活(再追加)

有讀者要求要part3, 一向盡聽讀者意見既我, 當然冇問題啦, 立即再去搵俾大家!!! 爆笑香港人, 自上次加埋上上次之後, 其實keep住仲有人不斷咁upload新野上去, 依家個fourm仲已經去到part2, 香港乃創意工業, 真係唔講得笑呀!!

以下內容涉及不雅用語, 敬請留意:

1.) 良景
　太子
荃灣西
　　恆安
　　博覽館
　　調景嶺

2.) 青衣
　牛頭角
　灣仔
　　九龍
　　恆安　　
　　上環
烏溪沙
尖沙咀
　第一城
　　黃大仙
　　九龍
　天后 　　
元朗
　　中環
　友愛
　荔枝角　
　　調景嶺
落馬洲
　柴灣
　　佐敦

3.) 又一城
　　青松
　　　調景嶺
　　　元朗
　　　沙田
　　　鑽石山
　　　黃大仙
　　　長沙灣
　　葵興
　　天后
　　杏花村
濕地公園
　　太和
　　　洪水橋
　　　金鐘
　　　寶琳
　　羅湖
　　景峰
　西灣河
　　　紅磡
　　　新墟
　　　北角
　　　安定
　　　荃灣
　油麻地
　　兆麟
　　　鐘屋村
　　　欣澳
　　　銅鑼灣

冬游

近日因為事忙, 發覺好似好耐冇去做運動, 早幾日心血來潮, 屎忽痕走去上網check下邊度有室內泳池游下水, 發現原來係旺角大角咀個邊有個室內泳池冬天都會開!!

於是今日就走左去游水, 下午點半左右去到泳池, 嘩, 好鬼多小朋友, 原來大角咀個泳池只係得一個嬉水池+半標準池, 成個泳池範唔係好大! 一心以為室內泳池一定係提供暖水俾人游架啦, 點知行近泳池邊個時都心知不妙, 腳尖伸一伸落d水度試一試d水溫, 頂, 果係係凍水黎既!!! 唉, 都俾左19蚊入場, 冇理由唔游架, 都要游返十幾廿個塘先走人啦, 唔係蝕俾佢!! 不過, 唔係講笑, 呢個大角咀泳池真係超多小朋友, 佢唔係黎玩水咁簡單, 而係黎學游水(私人教練教個隻), 我坐係泳池邊粗略見到一個泳池入面大大話話有成6-7個私人教練係度教游水, 有d教2-3個, 有d就開班授徒咁, 一條友帶 住6-7個小朋友!!!

我游完一輪之後, 真係頂唔順, 唔係body頂唔順, 而係實在太多小朋友係前面頂住d位, 佢地又游得唔快, 但又爬唔到頭(左右都好多人), 每次我都要睇定邊度有多d位先好去游, 唔講, 我以為自己係魚缸入面游緊水, 幾十條魚仔係自己身邊游黎游去!!! 最怕, 一個唔覺意撞到佢地就唔係幾好啦!!! 下次, 都係搵個第二度游過先得!!!

護膚贊助

前幾日d天氣乾燥到不得了, 友伴見本人的皮膚乾到爆, 於是就係屋企拎左d skin care用品俾我用, 哈, 不過家陣做mask的話, 都係要等到夜麻麻先做得, 而且係要等媽媽 & 大小不良訓左先有得玩, 唔係嚇親佢地就麻煩啦!!! wahahaha~~ 謝謝有免費skin care贊助!! 依家夜晚除左打機睇, 電視, 上網之外又有多樣野玩啦!!

一路帶動生活(追加)

創意十足既香港人依舊繼續佢地既創意生活, 上一篇搵到的poster, 一日後於forum上推出更多新term, 最得意的係下面o個個, 好爆呀

西灣河

　　紅磡

　　新墟

　太和

　金鐘

　　欣澳

　　銅鑼灣

　　北角

　　安定

　　荃灣

油麻地

　三聖

　　恆安

天水圍

勁呀, 咁都駁得到!!!

一路帶動生活

原裝的港鐵廣告~~~

大家都知早陣子九鐵同地鐵合併之後, 出左一系列既宣傳, 當中包括容祖兒既宣傳歌廣告, 仲有既就係時不時係街又或者係電視見到一d海報, 將兩鐵既地鐵站名, 合成一個日常生活既宇句或詞語, 等港鐵可以更溶入大家生活入面!!

岩岩上網見到一個forum有人提議再自行併d新字出黎, 嘩, 一下子好多人都提供左好多新字, 真係咩都有, 去到後段仲有人自行整埋張poster出黎, 好攪笑!!!

仲有d得意例子:

第一城

　調景嶺

　粉嶺

馬場

(不過, 呢個仲未有人整到個poster出黎!!)

香港人真係創意無限, whahahahaha~~~~

資料來源: 高登討論區

後補(相) - 好靚好有聖誕氣氛既衫

上次應承左"擁有粉紅色指甲的人"後補返"好靚好有聖誕氣氛既衫"上黎, 雖然係過左聖誕, 係遲左d先post上黎!!! 不過, 應承左就要做到!!! 我係一個有責任心既人黎架, Yes, I am a man, i am a pen!! whahahahah~~~

2007年既聖誕禮物都可以話係別開生面, 正所謂, 千金難買心頭好, 都係個句啦, 人手親手做既野永遠都係特別貴 & 罕有, 如果仲要係特別版+限量版就更加唔駛講啦!! 再如如如果仲要係加埋個心去做的話, 嘩, 嘩, 嘩, 嘩, 真係此刻無價~~~~

姐妹again

自上上年為小狗結婚而做左我人生第一次既姐妹之後, 人稱港版小燕子既Jackie(之前佢影完d結婚相之後, 家陣話自己似關詠荷多d喎( ! ) )亦將於本年1月結婚, 本人有幸得邀請再次當上姐妹一角(我面皮厚姐, wahahhaha!!!)

由於Jackie婚期將近, 我地一班姐妹都唔係白逗開門利是, 於是今日就約左出去食個tea商討下朝早新郎哥接新娘子時候玩咩遊戲好!!! 唔知係唔係大家平時工作壓力太大, 一眾姐妹講埋個d遊戲似想玩死一眾兄弟及新郎哥咁, 我自己聽完都為兄弟們及新郎哥抹一額汗, 同時興幸自己歸於姐妹一方!! 正因為我係姐妹個邊, 唔駛我去玩喎, 我當然有大大大大力加多兩句!!! 我仲同班姐妹講左一句金句: 『我地玩遊戲既目的, 就係將兄弟及新郎哥既無謂尊嚴完完全全降到零!!!』 好明顯, 從呢班姐妹們所提出既遊戲中, 完全深深體驗到何謂將尊嚴放到最低!!

總之一句講晒!! 新郎哥, 小心d啦!!!

另, 今日發現左一件事, 原來上次Jackie派俾我地呢d兄弟姐妹既請帖, 原來係特別限注版黎架, 夾埋只限派發100張左右, 其餘人仕所收到的將會係酒樓特定平民版, 唔駛講, 當然係我地呢d限量Liminted版靚好多啦!!

2007 迫到2008

正式踏入2008年, 大放煙花是也~~~

好耐冇出去迫過啦!! 聖誕, 新年, 萬聖節, 國慶回歸煙花, 多數都係同上d friend屋企玩, 又或者係酒店食下buffle, 再唔係on on 地留係屋企渡過, 呢幾年都已經好少出去同人迫!! 今年友伴提議出去尖東倒數, 難得連平時討厭人多擠迫既友伴都提議出去尖沙咀感受大節氣氛!!

當晚同佢兩位好友食完晚飯之後, 就急急腳出去尖沙咀, 雖然話早dd出去, 其實出到去尖沙咀既時候都已經係10點左右(是夜於12點於維港兩邊都special vesion既煙花表演), 成個尖沙咀&彌敦道都已經企滿晒人, 好誇張!!! 我與友伴好不容易先可以擠到人群之中, 還好, 最後都俾我地搵到一個少少既位置, 向天望一小片既天空仔, 總算, 可以欣賞到小小既煙花效果!!!

成條彌敦道都係人, 好誇張!!!

睇完煙花之後, 個個都湧入去火車站, 仲誇張!!

新既一年, 新既開始, 可能呢篇blog遲左少少post出黎, 但係都希望同大家講一句: Happy New Year!!!