剪你個頭

黎緊星期六行『環島行』, 於是諗住"恤"返個短髮, 咁行山就方便d, 輕鬆d。今日一放工, 就先去旺角朗豪坊的"Italian Tomato"訂蛋糕先, 因為聽日kenix生日(今個星期連續有兩個同事生日, 今個月就有三個), 由於諗住only自己team人食, 所以就訂個1磅cake就算, 但係1磅cake就得幾款撰, 咁就訂左個"日式芝士蛋糕", 就聽日lunch拎。

好!!! 攪掂之後, 就去左尖咀o個間『Lobby』剪髮, 其實, 都有成大半年冇返黎剪, 今日唔知咩事, 阿James今日好多客, 我已經係星期二o個時已經打電話黎booking架啦, 點知我仲要等左成粒鐘先有得剪.....唉!!! 其實, 我之不過係想修一修姐。 等左佢成粒鐘, 佢就幫我剪左廿分鐘左右, 不過, 算啦, 佢都剪得o.k, 今日一路剪就見佢一路"索下""索下 ", 睇佢個勢都係傷風居多。 最後, 我攪掂埋單, 望下隻表, 嘩, 唔覺唔覺攪到成8:00p.m。

一落樓就見到阿kenix同個friend一齊, 就叫左佢一聲啦!!! 佢話我個頭攪咩剪到咁短呀, 笑左幾聲, 之後, 就同佢講拜拜, 佢就同個friend去食飯, 我就歸家啦.....