RSS Feed (xml)
琴日朝早返工搭小巴正正係呢個睡夢中既時候, 突然收到牛牛既來電, 平日既佢邊樹會晨早流流打俾我, 8:45a.m呢個鐘數, 莫講佢未返到公司, 正路黎講佢應該連屋企門口都未出!!! 一打黎佢就話牛媽媽今日會去攝太歲, 話幫我攝埋好唔好!! 哈, 呢d婆仔野岩我, 我當然話好啦, 聽牛牛講今年我地好似都沖太歲喎, 總之話今年就好似好多事非啦~~其實早幾年老媽帶過我去攝過太歲, 當時廟宇入面仲容許各善信點香入內, 當年一條友入左去(老媽留守係大門外), 以為自己報左名參加飛虎隊訓練營, 個種煙霧迷漫既情境, 真係以為自己上左仙界搵玉皇大帝, 仲有百幾人點住香塞晒入去丁屎咁細既地方, 煙到對眼呢!! 除左剩識得標眼水, 對眼根本就睇唔到野~~
之後, 近呢兩三年, 老媽要照顧我個兩隻大小不良, 都無暇理會我仲係唔係犯太歲定沖太歲!! 幸得牛媽媽照顧, 上兩年都由佢陪我地, 或幫我地做呢種攝太歲事宜!! 係度唔該晒牛媽媽, 做完份功課之後, 一定多多上黎牛家拜訪"痴餐", 哈~~
7 comments:
生活愉快~
我都未試過攝咩太歲,咪又係無穿無爛,精精靈靈,可可愛愛,順順利利!?!只要你做得好事多,就自然會有好報!!!
fay: 我生活好好, 有心, 有心, 你講到你好似就快咩咁, 你病過"龍"喎!! 冇事呀麻....
唔迷信的人: 我又唔係真係迷信既~ 只不過, 呢家野, 有時都係但求安心, 其實攝唔攝我生活都係咁過之麻!!
我都唔叫做得好事多呀!! 你見我時不時都關心咁問下你死得未, 你就知我對你有幾好啦!!我係好有Heart架~~
係..你係冇穿冇爛, 但係你唔覺你自小學之後, 你就冇再.....高過咩....whaahhah...(講笑)
我得閒就來打打掃 問候下你之嘛 ^^ 就病好~ 有心~ XD
fay: 祝君早康~~!!
thomas: 都唔係冇端端架!!! 對上個兩三年都有攝(由牛媽媽帶領), 只不過, 你地唔知之麻!!
Post a Comment