2007 迫到2008

正式踏入2008年, 大放煙花是也~~~

好耐冇出去迫過啦!! 聖誕, 新年, 萬聖節, 國慶回歸煙花, 多數都係同上d friend屋企玩, 又或者係酒店食下buffle, 再唔係on on 地留係屋企渡過, 呢幾年都已經好少出去同人迫!! 今年友伴提議出去尖東倒數, 難得連平時討厭人多擠迫既友伴都提議出去尖沙咀感受大節氣氛!!

當晚同佢兩位好友食完晚飯之後, 就急急腳出去尖沙咀, 雖然話早dd出去, 其實出到去尖沙咀既時候都已經係10點左右(是夜於12點於維港兩邊都special vesion既煙花表演), 成個尖沙咀&彌敦道都已經企滿晒人, 好誇張!!! 我與友伴好不容易先可以擠到人群之中, 還好, 最後都俾我地搵到一個少少既位置, 向天望一小片既天空仔, 總算, 可以欣賞到小小既煙花效果!!!

成條彌敦道都係人, 好誇張!!!

睇完煙花之後, 個個都湧入去火車站, 仲誇張!!

新既一年, 新既開始, 可能呢篇blog遲左少少post出黎, 但係都希望同大家講一句: Happy New Year!!!