RSS Feed (xml)
玩左頭兩日, 終於黎到最後一日!! 今次我就同Anna到迪迪尼玩啦, 我地呢d圓左全年票既人, 係呢d大時大節唔入場玩返夠本點對得住自已呀!! 所以就襯依家迪迪尼有special function就入黎玩一玩啦!!
今次我地就放左工先入黎玩, 所以入到黎都有少少夜, 不過都唔緊要, 因為今次入黎主要都唔係要玩機動遊戲, 主要入去係睇個"睡公主閃亮舞會"同埋睇下其他特別野!! 咁好彩一入場岩岩就開始做緊巡遊表演, 由於依家既主題係"christmas"既關係, 所以所有既表演者都會戴晒d聖誕帽, 增加返D聖誕氣氛, 仲有仲有, 係入場個時仲會每人派一幅特製眼鏡, 只要你望住d燈泡, 你就可以睇到d一個個雪人圖案出現, 其實係上年聖誕都已經同anna去過迪迪尼, 個時都派過呢副眼鏡, 不過聽講, 今年仲有另一款圖案就係"天使", 原先諗住問下D工作人員有冇啦, 點知佢話要派"雪人"個款眼鏡先可以派另一款, 哎呀, 真係太孤寒啦!!
講返先, 佢今年多左個"睡公主閃亮舞會", 迪迪尼係城堡前面搭左個舞台表演歌舞, 呢個表演主要都係一班迪士尼人物同埋公主&王子一齊跳舞, 由於燈光加上音樂, 跳起上黎都真係幾好睇架, 仲要佢地跳到最後仲有d煙花放出黎成個景都好靚!!
當然, 除左個跳舞表演就仲有既就係米奇大屋啦!! 係呢個聖誕時節就特登整間大屋, 入面放晒d super大size既用米奇用品, 大家可以隨意影相, 最後, 仲可以同米奇佢合照添!!
No comments:
Post a Comment