施比受更為幸福

自己銀包不嬲都袋住張器官捐贈卡, 一直認為既然人都死左, 如果仲有野俾到人, 而其他人又用得著既, 何樂而不為呢!! 我又唔係個d傳統人, 因為老一輩既人都認為死左之後, 應該要留返條全屍先可以死得眼閉, 所以用得既咪俾人羅, 橫掂死左, 如果黎去火化, 最後都係得返一堆灰!!

早陣子, 政府推出網上登記器官捐贈服務, 其實都係一件好事, 因為如果要拎個d器官捐贈卡, 一定要去民政署度拎先得, 好鬼死煩, 而且又要成日袋住張爛鬼紙卡, 真係袋多幾年個張卡又溶溶爛爛咁, 掉又唔係, 唔掉又礙眼!! 依家有個網上登記咁就應該會方便好多!!!

p.s: 但係有時又有d擔心, 呢排成日報導話醫管局成日都唔見左d病人個人資料!! 唔知如果係網上登記又會唔會俾人偷左黎用呢!!

大家可以到呢個web-stie登記: http://www.organdonation.gov.hk/