G 點

何謂G點呢? 就係女性某部位, 受刺激而產生源源不絕的快感從而得到高潮!!! 平時要得到高潮非一般易事, 可謂十年一遇(睇"姊妹"講)(當然啦都係要講對手架~~~)

唉, 今期我就掂呀!!!今日岩岩攪掂一份assignment, 下星期仲有個group present and indivial assignement, 下再下星期就交埋個present的report 真係可以話高潮一浪接一浪, 我個G點(大腦), 經常性處於高潮, 興奮狀態(因為成日要諗點做份assignment), 原來成日有高潮都幾辛苦架。

我家陣個腦硬碰碰咁, 個腦日諗夜諗點攪份assignment真係想死....朋友們, 你地得閒就自己攪活動啦!!! 呢排, 唔好成日問我紅字o個幾日約成點啦呀, 去邊樹反呀!!! 俾我快快手做埋d assignment, thx.....7/4/2006之後就會攪掂大部份aasignment, 就可以放下心頭大石....

"老練"回來的禮物

友人Jackie早排飛去美國New York出trip, 回港後, 神神秘秘的同我講買左份手信俾我.....我諗咁好死!!! 唔通買左本USA playboy俾我 (因為佢之前去德國出trip, 都買左本德國playboy俾我)。 由於大家都係官塘返工, 於是今日就相約食Lunch啦, 今日去左杏花樓食lunch, d野食一般姐, 麻麻地。

食完飯後, Jackie就份手信俾我, 係GAP度買, 佢都係GAP度都買過野俾我, 咁就係個袋度拎出黎啦, 哈, 哈, 點知原來係一條Under, 仲要係一條very colourful的un, 個公仔係馬騮仔...唉....你老練咁遠就係買條under俾我.....

趕....

成日都係咁, 唔到dead line都唔做, 份assignment已經晨早俾左, 人天性就係咁, d野未迫到埋身就永遠都唔上心, 所以就攪到今日成日(由12:30p.m - 8:30p.m)踎左係polyu個CC度攪份assignment, 今日做左一大半, 聽日就要做起佢(雖然係group project, 唔明點解得我一個人做, 可能見冇人郁, 又頂唔住頸, 自己食左佢啦~~~), 因為黎緊仲要第2份要交, 所有assignment係4月7日前就會交晒, 之後, 就輕鬆晒(暫時), 因為份dissertation個topic都仲咪諗到, 想要個特別得黎又唔"行", 新鮮得黎又易做, 呢d topic, 可以話係世上難求。唉!!!!!

這麼近, 那麼遠

返左官塘office 2個星期, 今日難得第1次係office直接返屋企(平日, 要返學 or 出街, 再唔係就返左去舊office攪埋d手尾), 今日5:30p.m放工就去左搭架往美孚的小巴返屋企, 唔係講笑, 架小巴開車之後, 只需要半個鐘左右就去到我屋企。快到呀!!!

e, 唔係喎, 舊時係旺角office返屋企都係好似半個鐘左右(當時係搭巴士), 點解家陣係官塘返屋企都係半個鐘左右(如果以MTR station計, o個度大大話話都應該差成起碼10個站呀@@), 究竟家陣我係返遠左, 定係冇變到呢.....

魚旦粉之夜

今日放工約左simon佢地打波, 好耐冇打過波, 難得有得打, 打足兩個鐘non-stop個隻, 唔錯唔錯...打到8:30左右收工。

simon話邊個食dinner, 我記得alan成日都話屋企冇飯食, 我就幫佢應承左simon, 之後eddy都話食, 我見咁情況(大家雖然係識, 但係simon同alan & eddy都唔多熟), 咁我都係去坐一坐先(我屋企有留飯架!!!), 最後就決定去『樂園』食啦!!! 就係咁開始我地『魚旦粉之夜』。

何謂『魚旦粉之夜』, 其實原先諗住食完就散水, 點知佢地食完之後, 就冇咩意欲想走, 咁就開始吹水, 呢晚我就做m.c引導大家講下d感情生活(係呀!!!幾條麻甩佬踎係個魚旦檔講埋呢d野, 有少少毛管"棟")(其實, 佢地d野, 我都已經略知一二)。

見平時大家好似好少同eddy講野, 咁就由eddy問起先, 點知佢又話自己少講呢d野, "扭扭拎拎"咁, 車, 大家都係麻甩佬, 怕乜鬼呀!!! 你講完又唔會拎你去雞姦, 最後, 由我悉心引導下, 都只係講左少少。 到阿倫啦!!! 開頭係咁e帶佢講下, 之後, 佢就將佢個感人肺府、動人故事, 講左出黎, 私人野就唔好係度講啦, 只可以係度講少少, 就係佢為左個女仔個幸福甘願放手, 呢d野應該似係零晨3點鐘概『粵語殘片』先出現概橋, 家陣都會有出現, 失敬晒, 失敬晒.....到simon, 佢d野都冇咩特別(因為 , 我聽過晒), 不過, 其中一part就好勁, 佢試過佈置一間2000呎概屋(雖然, 唔係佢), 黎逗自己女友歡喜(好似係用黎過christmas), 呢種心思幾得下, 值得學習, 掌聲鼓勵。

最後, 大家都吹到成11:30左右, 我成晚係個魚旦檔, only飲左隻可樂....挨住肚餓返屋企食原本的dinner, 就變左食消夜。

老屎忽之集體回憶

上星期六, 因為jessica生日(正日係星期五), 所以就按照慣例出黎食返餐壽宴, 訂左7:30p.m Fat Angalo食America Food。 下午, 先約jessica落尖咀執返佢 & jaemi份birthday gift, 佢兩個份禮物就勁羅, jaemi就係Gucci的銀手飾, 而jessica仲勁就係Hemis的皮手帶。買完之後, 就搭船過海, 係灣仔附近食左個tea, 差不多, 7:00p.m就行過去銅鑼灣。7:30p.m就上左去Fat Angalo, 今次有judy出席, 通常我地呢班識左十幾年, 亦都可以話係由中學識到依家(係F.1已經識個隻)的老屎忽, 出到黎都係講返中學d舊事, 雖然次次都係咁講, 但係唔知點解, 永遠都可以重複又重複, 都係咁好笑.....

就係咁, 今晚, 我就特登, 係床下底搵返d中學時大家o個d相出黎, 寫下佢地, 無論樣貌, 身材, 以至心智有咩變化~~~~

1.)呢個勁啦~~~!!可以用十年人事幾(十)翻新黎形容jessica, 佢由一個『脹皮艇』身形, 去到家陣, 可以比美『鄭因而』血哭史, 激瘦過程『true man show』, 但係佢依然keep住女人最應該keep住的東西, o個一個party係冇瘦度, 好野好野。佢亦由一個可愛小豬妹變成家陣一個bar場擘酒后(佢家陣收左山), 可以話係前無古人, 後無來者....仲有, 佢對工作個份『熱誠,』 同一個工作狂冇咩分別.....

2.)呢個就由一個對『性』相對貧乏的小妹妹(妳同佢講可樂可以殺"精", 佢都信架!!!wahahha)變成一個貪慕虛榮的實幹女騙徒christy, 係呀, 佢成日呃d客錢架...佢就係用呢d錢黎買佢個d咩new balance歐洲version, Levil日本version.......數之不盡.....但係佢都係一個十分長情的小女人....佢深信以佢自己的旺夫, 自己另一半一定會飛黃騰達, 所以佢有個拍左拖10年的小小小小小小小小小超人係身邊。

3.)呢個就係o個位小小小小小小小小小超人ivan, 佢由中學開始, 都係keep住係全級頭10名之內, 佢對學業執著, 可以係冇人能比, 佢可以為左考唔到第一, 會唔開心到喊(佢當時係考到第2), 終於比佢達成心願, 升到全港最高學府- HKU......恭喜晒!!! 畢業出黎, 人大左, 知道自己另一半如此貪....唯有將自己小宇宙發揮到極點, 發誓要做個有錢人, 佢另一個稱號叫『有錢男朋友』

4.)呢位迷途小羔羊camus, 終於回歸主懷抱, 由一身旺角賣咸碟長毛飛仔look, 變成依家的小天使, 佢身邊的馬利亞(melody)可以話係功不可沒, 雖然係中五畢業, 但係佢一直不斷進修, 永無休止, 體現活到老學到老, 同時由當初想成為漫畫家變成現在的設計師 如果, 佢再努力d成為出名設計師, 我諗『傑出華人系列』可以搵佢拍一拍。

5.)骨瘦如柴的jaemi, 唔知係佢家族遺傳定係有咩問題, 佢同佢細佬, 本身生活好健康(起碼健康過jessica), 唔知點解, 病魔永遠係攪住佢地。幸好, 上天有好生之得(係呀!!!佢都係信教), 俾佢執到件好男人, 有人照顧, 可以話係有仔萬事足, 佢亦係暫時我識的人當中, 係一間公司度做足咁多年都冇轉工的人....佢對公司有一種家的感覺, 好有歸屬感。

6.)呢個人係我一生之中第一個識的高人thomas, 唔係講佢個智慧, 係講佢高度, 佢好很高, 真係好高, 高到呀~~~~, 仲有, 佢隻眼好細, 細到好似一條線, 你平時根本唔知佢係打開左隻眼未, 佢打唔打開隻眼, 你都係見唔到佢個眼珠。佢係中三o個時已經俾miss批死, 讀唔到理科, 佢到依家都一直懷恨在心, 不過, 佢口中就會話, 好彩讀唔到理科姐, 我知佢係得把口。 不過, 佢都好好, 可以搵到一份成日飛的工, 可以增廣見聞, 成日見客, 可以話係岩晒佢個辦(佢係超級吹水王)....

總結, 呢一班就係我最熟的中學同學之一啦....多謝收看///

原來我係監躉

琴日lunch, 同同事食lunch, 係閒談間佢地將官塘office稱之為監獄, 何之為監獄呢!!! 因為我地好似係監獄入面d犯咁, 成日冇所事事, 得閒打下籃球, 篤下康樂棋(當然唔係真係打 or篤啦, 比喻姐), 佢仲話我地就似係個d好勤力的犯人咁, 係監獄入面進修, 係入面做功課、溫書咁, 拎到張cert就可以快d放監, 唉, 原來, 我係不知不覺間已經變左個監躉.......

下午2:30p.m左右, 梁仔打俾我話有人full我個位, 睇下我幾時返去handover d野, 咁好啦, 橫掂冇咩野攪, 又有人同我講full我個位係個女仔, 咁就放低晒手頭上所有工作(根本一樣都冇), 就走左返舊office。

唔係講笑, 係官塘搭小巴15min左右就去到旺角, 真係話咁快就到。新黎個位女仔叫阿Mei, 好似話係上年岩岩畢業, 咁我同梁仔打聲招呼後, 就開始交代返我先前做的duty, 一輪咀講, 講完都唔知佢明唔明, 不過, 都冇咩所謂啦, 一路做一路學啦, 舊時我初黎報到, 都冇人handover俾我啦///最後, 就攪到6:00p.m左右先放佢走, 我就俾梁仔捉住清埋d手尾。 攪得黎, 再幫阿Mei再執一執返dfile, 自己都攪到成7:30p.m先返屋企。

我把口廢左...

新office d人唔講野架!!! 成個office靜到隻蒼蠅飛過都聽到, 我會唔會以後都唔識講野架....help me.....help me..... 悶死我啦.....

新office, 舊電腦

今日, 轉新post[SO(C)], 一早就返始創report duty, 之後, 知道去官塘的天台組, 之前聽人講, 個邊好似冇咩野做, 可以話係幾"游", 不過, 冇野做又好似幾難過日子, 不過, 算啦!!! 俾心機讀下書啦!!!

今日去到新office, 個office都幾新下, 不過, 同同事介紹過後, 就發現alan原來就坐係我前面, 阿權就坐係我隔離, 可以話係四圍都係自己友, 之前仲幾驚新同事唔知係咩人黎添, 家陣都安心。

不過, office新就新啦!!! 不過, 就唔係好明, 點解家陣仲有office用window98, 舊時係舊office時, 成日笑kenix用window98屎波(除左佢之外, office其他人都係用XP--include me), 家陣真係現眼報, 自己都要用window98....唉

我的同事

呢d就係各人之手信~~~

2004年7月2日, 我開始加入左BD工作, 返唔夠二日就係機緣巧合下, 由本身的backlog team轉到去WIP team, 從而認識到呢班ST2-C六子(有個係女仔), 可能大家都係差不多年紀的關係, 大家都夾得埋玩得好開心, 平日吹水無間, 四圍講是非, 用Lotus notes當chat room玩(一言我一語), 到放工去打波, 再近呢半年仲會放工出去蒲(唱k, 打邊爐, 飲酒....), 甚至乎有戶外活動(war game, BBQ, 遊船河), 大家都玩得好盡興, 大家冇所不談。 各人去旅行後, 又例必每人均有手信, 還有一起分享旅行時之樂事。各人之生日又必成另外五子傷腦筋之時, 因為, 必須為其生日禮物、 生日蛋糕上的名牌(填上祝賀說話)、生日飯餐等......都費一輪心思, 唯恐有任何錯失。

同事轉化成朋友, 呢個階段來得順暢, 自然。

六子, 各人有不同特色, 正如齒輪一樣, 亙相配合, run得順暢非常:

C1 Benny - 雖然只係識左3個月左右, 他的溶合我們圈子的速度快得驚人, 他本身係一個好多鬼主意的人, 從佢『陳綺貞事件』上可見一斑。

C3 Anthory - 富戶一名, 平日好少見佢聽電話, 反而喜用sms打字同人作聯絡工具(中文個隻), 但電腦的倉頡 or 速成就偏偏唔識。 精明投資者, 佢投資所賺應該係多過份人工(我估), 所以, 時不時請食飯, so nice。

C4 Simon - 正宗一名得把口的咸濕佬一名, 佢表面咸濕, 但內裡保守, 是一名用眼睇唔出的正人君子。 平時見佢一副玩世不恭的樣子, 但一做起公事or談正經事時就會換上一張正經臉來。 同時佢係唯一一個成日放我飛機的人, 佢放我飛機的record已經不能盡錄。

C5 Eric - 天生領導人, 全能戰士, 由於佢阿sir將近退休狀態, 基本上, 所有大小file or case都由佢follow up, 而佢亦都可以應付有餘。 可以咁講, 佢阿sir放假都冇咩事, 如果 eric放假, 佢阿sir應該會死硬。

C6 Kenix - 成日蒙蒙下, 不過, 全team人最有責任心的就係佢, 平時, 就算佢miss唔返工, 佢都會照埋頭苦幹繼續做。 仲有, 唔明點解, 佢可以冇時冇刻可以傾電話, 係office有7成時間都見到佢拎起個電話傾計, 我想知佢d friend做咩架呢, 有咩可能, 咁得閒。

仲有阿榮(幫anthory的clack) - 係近呢大半年先開始熟, 自命i.t人, 被人冠名牆頭草一名, 但卻自命清高, 不喜歡群體活動, 喜歡獨來獨往, 雖則如此, 有時發表之偉論卻異常make sence, 合邏輯。 難得大家都係比較鍾意企係d中立位置, 所有都幾夾....

再過一, 二年大家都各散東西, 希望仲可以keep住出黎反....

乾淨晒!!!

今日係最後一日, 返到公司就執晒所有野走....


原來自己張抬 & 位可以咁乾淨.....想睇下舊時有幾亂可以click呢度『亂』

臨別秋波

今日係我係公司last 2 day, (聽日係星期六, 不過係長週, 所以都要返去, 順便執埋乾淨個位, 俾下一手)。今朝, 一返到公司, 就幫梁仔(我阿sir)執埋d手尾, (今日算係我last day, 梁仔仲要請假, 唔理我, 唉~~~) 攪掂之後就開始寫張list, 睇下有幾多人要請食cake(公司慣例, 走人, 就要請食cake), 計下, 計下, 都要買成4打先夠派。

12:30p.m就到office樓下的金龍船食我個farewell lunch, 除左有自己個team人之外, 仲有師姐, joey, 阿梁, may姐, cherry, yvonne, 阿榮, sammy, 真係客氣, 食完lunch就去左大班買cake, 原本, 諗住去東海堂買, 不過, simon佢地話去大班都o.k, 咁就去左大班買啦!!! 到左大班, 原先諗住買d貴少少(好似$8/件)的cake, 但係eric話唔駛買咁貴啦!!! 其實, 我自己就預左$400出黎買野俾大家食, 不過, 佢地都話唔駛, 咁就算啦, 咁都好, 慳返d, 最後, 就買左平d的cake俾大家食。

到左3:30p.m就開始, 派餅活動, 真係辛苦晒simon, eric, kenix & anthory, 佢地4個幫我派俾同事, 而我自己就要拎去俾d阿sir or miss, 逐個同d阿sir or miss起咁e寒暄二句都攪左一大餐, 最後, 派到俾到植sir個時, 佢話:『e, 你返到幾時走呀!!!』我就話聽日, 佢話:『o下!!!有聽過梁仔講過你走, 不過, 就唔知幾時走, 如果唔係就同你食餐飯啦!!!』, 唉!!! 梁仔阿梁仔, 你平日都已經唔多講野, 我走你都唔幫我通知d人一聲, 你真係......唉~~~~

派完cake之後, 就同各位同事合照作留念, 由reg到自己個邊都影左好多張相, 映完之後, 差唔多5:00p.m左右, 之後, 就拿拿臨係部相機度抽返d相出黎send返俾大家。

晚上, 自己team的同事再為我farewell(lunch個餐,可以話係食大圍飯), 於是, 就去左新浦崗一間叫『外野手』的日本餐廳食放題, 雖然, 地方,環境一般, 但係d野食都幾得下, 尤其是個d魚生剌身&天婦羅, 真係幾掂下。eric & simon佢兩個仲顛, 佢地試過一次牛脷之後, 就起勢咁叫牛脷, 保守估計, 我地應該叫左20塊牛脷食, 我地由6:30p.m開始食, 食到8:00p.m, 大家都開始飽, 咁岩間餐廳又有電視機, 於是大家就坐定定睇『天幕下的戀人』, 大家係賣廣告時候, 又再繼續食, 原先俾我地個疊『點心紙』, 都唔夠, 要佢俾多疊新的。 呢間餐廳d女侍應真係好鬼cute & 都幾nice下, 下次再介紹俾自己d friend黎食先.... , 最後, 我地睇埋套『鐵血保鏢』先走。 原來, 係未食先前, 諗住食完再去『shoorter』飲野, 傾計, 點知, 食完之後, 個個都話頂唔蒲, 話唔想再有d野放入口 or 塞入個胃度, 咁大家就散水....

我覺得自己好好彩識到呢team同事, 有anthory, benny, eric, kenix & simon, 大家都好好玩, 有咩事大家都會互相幫忙, 老套一句：『希望大家前程似錦。』

亂

呢個就係我個位望出去個view...


搵唔搵到我個位係邊呢!!!

由於阿牛屋企買左部新LCD TV, 於是今天晚上約埋jessica & 阿達上佢屋企『觀摩』一番。由於, 未到晚飯時間(因為要等阿牛,佢放7:30p.m), 所以就留係公司做下assignment, 係冇咩mood做assignment的情況下, 心血來潮就拎起部相機影下自己個位, 諗住可以留返第日俾自己作留念之用(話晒坐係呢個位都有成年半咁耐呀~~~)。

其實, 自己個位都幾亂下, 基本上自己張抬only得返個A4 size地方做野, 其他都係一棟棟file, 係唔知點解自己個位係特別亂, 其他人都唔見有d咁概情況。 不過, 算啦! 都走, 不過, 係臨走前都會『係咁e』執一執佢, 如果執到的話!!! (不過, 實在太亂, 真係"心有餘而力不足"呀, haha)

等到7:40p.m左右, 上左牛屋企, 一入門就見到牛爸爸, 牛爸爸一見我就起勢咁介紹部LCD TV有咩function, 一講就講左半粒鐘, 不過, 唔知我見識少定d科技日新月異, 佢部TV就勁羅, 曉click個掣就會向左轉or向右轉, 又可以畫中畫[係可以分2格, 4格(1格大3格細) or 12格], 總之牛爸爸就講到眉飛色舞。

除左牛妹同男友仔出街, 基本上今晚都好多人一齊食飯, 有成8個人, 大家食飯都有講有笑都好開心。