咁多鄰居係左右

阿媽話新年之後, d人都比較鍾意去拜山, 咁岩我又短週, 所以琴日同阿媽&其他親戚(當然有d人唔得閒就冇去啦)去『圓玄學院』拜山, 12:15p.m左右去到荃灣MTR同d親戚會合左先, 再到附近的齋菜館食中午飯, 食完都成2:00p.m, 之後, 就搭小巴上去。

今日先發現, 原來係『圓玄學院』都幾多先人係度, 今日大大話話都拜左成7,8位先人啦, 當然, 包括老豆, 阿公, 阿婆, 太婆, 姨丈, 仲有2,3唔知咩親戚。今次去拜山, 家姐未放工, 所以就揍埋兩個外甥女出去, 今次應該係第一次, 老豆見晒呢兩隻野, 大甥女都好聽話, 裝香俾老豆, 細o個個都仲係5個月大, 未識, 下次啦都應該識架啦...haha。臨走時, 大甥女都識同老豆講拜拜, ha, 真得意...今日係咁e, 度度裝支香, 都攪左半日時間, 攪掂晒都成5:00p.m啦...好話唔好聽, 過多10年, 我諗都要起碼攪成日先得羅....