巧遇鄭融

連續兩晚見返d好耐冇見的人, 琴晚先見返T.I. 的同學, 由於, 我要上堂, 所以要放左學先過去join佢地, 佢地去左銅鑼灣neway唱K, 9:15p.m左右去到, 唱到11:00p.m就散水。

到今晚, 就約polyu d同學出黎食, 又係去銅鑼灣, 今晚, 原本約埋Carrie 同Ronnie出黎飲野, 點知, 臨到7:30p.m Carrie先send個sms黎同我講話佢同Ronnie唔黎, 仲諗住十年唔見, 終於有機會見下啦, 到頭來都係空歡喜一場。

今晚我帶左Denise佢地去左一間"阿拉丁咖哩屋"食, 4個人叫左兩個2人餐食。叫完野食就大家係度傾計啦, 就係呢個時候, 我就發現我隔離抬有個靚女, 再望清楚d, 哦, 原來係鄭融, 唱『紅花會』, 『小龍女』, 細細粒好易食o個個歌手呢, 佢同個女人一齊食, 我諗係佢阿媽掛...成晚, 我幾想好似個d電影咁, 叫個waiter 送支酒過去, 跟手個waiter同佢講:『係個邊先生請你架!!!』, 之後, 我就好型咁同佢say個hi!!! wahahah, 不過, 呢度食咖哩, 邊"樹"有酒呀!!!不過, 講真佢真人都真係幾靚架, 原本, 想同佢影張相, 不過, 又唔想打擾人地, 咁就算數啦, 之後再想靜靜雞偷拍佢啦, 點知個Denise阻頭阻勢, 唔俾我影, 唉!!! 浪費晒....