RSS Feed (xml)
今日一早因公事要過對面海, 由於家住荔枝角, 過對面海最快途徑都莫過於搭MTR既東涌線, 路經香港站過中環站一段路, 一路行就四圍望下, 眼見四圍OL挽著的包包都係以下列三大牌子為首 - Gucci, Agnes'b and Burbarry, 唔係講笑, 起咁e望兩眼, 嘩, 大大話話都有四, 五個OL都係拎住同一個pattern既monogram手袋, 雖然款式係有少少唔一樣, 不過, 人人都係拎住d咁上下既包包出街, 等於大家都係著住件Bossine既Logo Tee出街一樣!!! 感覺上有d怪怪的!! 早在兩三年前, 本想襯老媽生日之時買個LV包包俾佢, 不過, 唔知點解成日係街見到d師奶拎住個Gucci, LV monogram手袋, 硬係凝住佢地係拎緊個包包係深圳A貨, 將心比已, 如果老媽拎住出街, 都可能會咁樣俾人歧視, 為免老媽遭人白眼, 我覺得都係現兜兜俾錢佢, or請佢食餐貴既仲好!!
仲有, 仲有, 如果大家晨早係會行經由香港站過中環站個段路既話, 大家可以係搭扶手電梯個段路期間, 合埋對眼淨係聽下d OL行路d聲, 好鬼有震撼感, 因為大部分OL都係著高跟鞋返工, 行路個時"lok, lok, lok..........",尤如有成隊解放軍步操緊!! 好鬼得意~~~
5 comments:
雖然我唔係中環麗人,但係我都有你講o既特徵:
1)響亮o既高跟鞋聲,家中除左converse外清一色係高跟鞋,3吋o既都有兩對;
2)我無gucci包包但我有gucci銀包。唔係,點o係云云女人堆中生活呢?
所以話呢,女人唔易做。
emmy: 你終於都復出羅喎!! 忙完啦!! 嘩, 1.) 全部都係高跟鞋...咁妳係唔係連去做gym都係著高跟鞋架!! 不過睇你個樣都應該係好耐冇去做過gym啦~~~
2.) 做人有品味d, 我知有d外國牌子既包包(我唔記得叫咩名), 可以成萬幾蚊一個, 橫掂都係, 去盡d!! 妳今年都畢業喎, 有個藉口俾自己, 送個俾自己當獎勵下羅...hehe!!
我都覺得買個名牌袋真係唔抵~~ 幾皮野買一個袋, 不如買多幾隻平平地既, 要離襯衫好過了~
五哥, 要袋唔好買啦~ 出句聲, 以我地既交情, 一定幫你搵隻靚既~
講開名牌袋, 上兩個星期先發生件趣事. 話說有日見到我條仔既sister拎住隻LV既 speedy 袋, 點知見到其中一面既LV字竟然反轉左 (跟據本人多年做手袋經驗, 大牌子唔會有呢d情況發生加嗎~). 咁就以為拒拎假野or比人art啦~~ 但礙於係條仔既sister, 就冇當面問. (好彩jar, 唔係就唔係趣事, 係魚事了~)
我仲特登返公司問下個跟prxda既同事, 大家都認為冇可能會咁既. 後來上網一check, 原來真係一面反轉字加喔. 隻袋前後幅用同一片料車, 就出面正面係正LV, 另一面係反LV啦~ 今次真係大鄉里了~ 好采我冇講到出黎jar~~~ 呵呵~
小豬豬: 你地呢d行家, 知道d來料價錢, 當然會覺得唔抵, 呢個係好正常既現象, 正如jessica一樣之麻, 佢成日都話呢件衫唔抵, 個件衫d料唔好, 一樣道理!!
唉!!! 叫你出黎多d行街, 做人唔得咁大鄉里, 陣間俾人笑你, 人地用幾皮野買個LV, 你仲話人係假野..好彩, 你都算醒目, 真係走去check過先睇下講唔講,,
我只係講下果成本,但我咪一樣成日買衫.
好似係最常買..哈哈..7月已經買左成千$$衫啦!!
Post a Comment