RSS Feed (xml)
琴晚, 係我熟睡時候(當時係8:30左右) 牛小姐打電話俾我擾我清夢, 佢一黎就問我:『你係度做緊咩?』, 我答佢；『訓緊覺』, 佢再問：『你唔駛返學咩』, 我再答：『家陣咪就係上緊堂羅!!!』, 好啦黎到呢度都唔係main point, 佢又再問：『問你一個問題呀!!!我地中四學校秋季旅行去左邊樹???』死....俾佢咁問一問, 當堂成個人醒晒, 我攪盡腦汁起勢咁諗, 諗呀諗... 都係諗唔到, 究竟我地F.4個年, 我地去邊樹呢!!!於是, 我是開始打俾班智囊團(其實都係中學班同學仔), 點知個個都話冇咩印象,黎到呢度, 大家都會問點解會無啦啦會有咁架問題出現架!!!其實就咁架, 黎緊就係牛小姐同陳先生『行埋10周年記念』, 佢地話想回憶一下當年事(好似亞視個套"當年今日"咁)喎!!!
好!!家陣就等我做一做個summary先:
F.1--->大尾篤
F.2--->西貢(馬路邊燒烤爐)
F.3--->好似都係西貢
F.4--->??????
F.5--->赤柱
好啦, 各方好友如見以上文, 同時又知道答案, 可於留言板寫下答案, 一經証實....>>>>重酬<<<<<
2015完篇
8 years ago
3 comments:
係淺水灣呀，我仲記得我係最後俾人掟落咸水海果個，濕住個身﹙條褲﹚搭巴士到柴灣再搭地鐵到荃灣。
『10周年記念』去淺水灣真浪漫，如果撞正十年前係路邊燒烤，你話兩小毛差點算﹖
陳志堅，真心話，我越黎越欣賞你呢個老友，你又再一次令我刮目相看，我祝你同阿牛白頭到老。
淺水灣.....係咩,個次,應該好似係同thomas慶祝生日,並唔係學校旅行喎,個次最後仲係落晒雨兼係度玩,將d燒溶左棉花糖四圍high落人地塊面求呀麻,o個次阿楷都有去。
落晒雨玩燒溶棉花糖先係喺赤柱，冇錯係Thomas生日，我仲記得大家去左軍人墳場，至於淺水灣就一定係學校旅行，因為我記得奶德都在場，佢就係掟人落海果個人。至於係F.4定F.5就真係唔係好記得。
Post a Comment