RSS Feed (xml)
同先前兩套VCD一樣為左可以還返俾同事今晚又"煲"碟 , 今晚"煲"的是『假如愛有天意』~~~ 呢套戲對我黎講可以話係幾經辛苦先睇得晒, 其實, 之前都睇過兩次, 一次上完堂後約左朋友, 時間又未到所以去左poly lib睇呢套戲, 睇到中段就到左約會時間, 所以就冇睇尾段; 而岩岩早兩星期, 明珠台又播過, 但係第2日要跑馬拉松早起身, 就忍痛冇睇。 雖然睇過兩次但每次都睇唔到尾個段, 今晚終於睇晒成套戲, 真係幾好睇, 如果係女仔睇的話, 應該會感動到喊, 因為都幾多感動位。 呢套應該係繼『觸不到的戀人』後另一套好睇及推介的韓國電影。
係呀, 我岩岩由12:30a.m睇到2:45a.m, 記住, 家陣係零晨呀!!!
3 comments:
其實有一套更令人感動及意想不到既韓國電影長期排於本人最喜愛的韓國電影頭五甲，就係《向左愛向右愛》，呢個絕對係我誠意推介，買碟都抵呀。
尋晚煲完碟順便直落煲埋場歐冠大戰巴塞對車仔麻。
哈,,,『向左愛向右愛』,我係戲院睇左啦..呢套都唔錯。
我琴晚都有睇車仔大戰巴塞,不過,睇左上半場35min左右,諗諗下都係訓覺先, 唔係今日死硬。(不過,場波好好睇)上半場, 巴塞"禁"住車仔黎打....
這個當然，車仔邊係巴塞手腳，唔好講朗拿癲奴，剩係一個美斯都玩謝佢地。
Post a Comment