好鬼屎興奮

手上面就係三舊屎~~ 頂~~~~~

頭先岩岩睇到報紙有段新聞話"學生見到熊貓糞興奮, 四川自然保護區考察", 睇埋內容之後, 再加埋張相, 不其然打左個冷陣, 其中有一段講到「野生大熊貓的黃一點、乾一點，這些就綠一點、濕一點……」, 大佬, 我完全明白, 呢d野係好難得, 不過, 你唔駛講到咁detail呀!!! 我陣間lunch仲要食飯架!!!

大家睇到張相, 就係講緊兩個大學生去參觀個陣時, 托起手入面個兩舊屎既興奮樣, 仲要將舊屎隊到個鏡頭前面, 個記者影相個時, 其實都應該不知幾驚, 驚佢舊屎high左埋去部相機度, 真係唔得你死!!

不過, 我突然間係度諗, 如果有人助養我個時, 我又痾d屎出黎, 又會唔會有人好興奮咁, 拎住我舊屎去影相留念呢!!! 嘩, 如果真係咁都幾爽喎!!!

但係又諗諗下, 如果有條友拎起我舊屎, 上面又好似插住支旗而旗上面又有我個名"強強" or "嘉嘉", 之後, 仲要四萬咁既口黎影相, 都咪話唔恐怖~~~