RSS Feed (xml)
琴日夜晚同Poly Part-time d同學仔去左尖東德興打邊爐, 成班同學, 讀左四年, 今次係第一次一齊食晚飯, 雖然唔係所有人都出席, 不過全班28人, 有14人出席, 即半班人喎!! 都尚算不俗!!! 其實, 好多時依家d活動都係由班長提議(我地冇正式選過, 不過因為佢年紀大過我地好多(4,50歲左右), 所以我地已經當佢係班長), 而班長又唔知點解又成日鬼咁鍾意叫我出e-mail俾各同學仔, 做聯絡, 家陣攪到我似半人辦事人!!!講開, 琴日去德興酒樓打邊爐, 呢間d火鍋配料都幾新鮮, 又冇時間限制!!! 仲要唔係特別貴個下先好(星期六 - $123, 已經包埋加一, 湯底, 醬油<----所以好抵食!!! 我諗閒日會仲抵食d)!!! 其實之前, 都係因為同Jessica去過呢間打邊爐, 我見幾好食, 所以先推介俾班長作為今次食飯既地點!! 好彩都冇令各位同學仔失望!!!
仲有, 推介一種打邊爐配料俾大家 - 水晶包!! 我少出黎打邊爐, 大鄉里, 唔知水晶包都可以成為打邊爐既配料, 係德興個度有3種既水晶包俾大家選擇, 包括: 奶皇, 豆沙&叉燒, 我個人應為, 奶皇係最好味!! 叉燒就唔係好得!!!
德興火鍋海鮮酒家
地址: 尖沙咀麼地道67號半島中心2字樓
電話: 2721-8102
4 comments:
other than 水晶包; 竟然仲有另一款食物, 係我想都未想過可以要黎打邊爐既... 我少見世面, 唔知依款上海美食唔係用黎蒸, 而係用黎滾/灼既... 係一粒粒既小籠飽!
我上次去有骨氣都試過丫～都幾好食～
alan: 哦!!! 小籠包, 我都食過, 佢咪最多當係雲吞, 水餃個類羅!!! 喂, 7月打邊爐約實你呀, 唔好口爽爽應承左唔去呀!!
christy: 妳都會去打邊爐既咩???
個日我同d同學仔打邊爐個時都聽過下有骨氣有水晶包食!! 不過, 佢話德興d水晶包好食過有骨氣個d...
我地又幾時食飯呀..好耐冇見!! 呀, 係呀, Jessica話我地不如約埋一齊去睇Harry Porter 5!! 7月14日呀or其他日子, 覆我...
Post a Comment