RSS Feed (xml)
上星期日約左Jessica, 牛牛 & 堅去睇"Harry Potter - Order of the Phoenix"
成套戲入面最壯觀既場面就係最尾, Dumbledore同Voldemort之後, 玻璃爆晒出黎!!
講返今集Harry Potter先, 今次既進度, 篇幅比上兩集慢左少少!! 不過都還可以接受, 到暫時為止, 我諗都係以Harry Potter第2集為最悶既一集, 我咁大個仔, 個集應該係我唯一一次係戲院睇戲會睇到訓著覺既一集!! 今集入面主要開始入戲肉, 講Voldemort既回歸!! 不過, 又實在太少激鬥場面, 而片中應該算係高潮位既"天狼星"既死, 都去唔到應該有既效果, 話死就死左, 完全冇左個必震撼感, 某程度上, 可能你唔覺以打個呵欠就會miss左呢一段!! 而且, 今集有好多野都冇交代過, 例如一開始, 有幾條友出黎接Harry返學校, 除左有個係止集出現過之外, 基本上, 其他都唔知係咩人(好似話個d係正氣師喎(!)), 又, 最尾個個爭住要既預言"波波", 實際上有咩用, 有冇人可以答到我呀????
岩岩上網check返原來Harry Potter電影第一集係2000年上畫, 到依家去到第5集已經係2007年, 上開網又順手搵返第一集主角d樣, 哈, 7年時間原來真係可以變得好厲害!! 完全變晒樣, 尤其是主角Daniel Radcliffe!! 岩岩睇電視話無線同明珠黎緊會播返Harry Potter頭3集, 大家如果冇買DVD睇既話可以係電視睇返佢地細細個既樣, 好得意!!
2 comments:
你睇下自由7年前同而家有冇變呀?
妙麗變漂亮許多唷..不過你唔講我以為套劇拍左5年咋, 不過上次同你講我睇明珠台"ER"已經13年啦..一套劇可以有13年,真的時間超快..家下ER已經唔太好睇,season 1 - 10 very good..
尋晚睇無線重播"妙手仁心", 套劇係幾時做家??
jessica: 上星期, 我都仲好似睇緊"秀才遇著兵", 我諗"妙手仁心"都係今個星期先開始做~~~
7年前, 即係讀緊POLY....我都話, 識左poly d同學仔, 不知不覺就已經識左7年...話咁快, 佢地又係我既10年朋友仔!!!
仲有, 我地之前傾既9月1日, "信不信由你之旅"有少少野要變!! 要傾下先可以再發memo...你得閒就打俾我啦!!
Post a Comment