RSS Feed (xml)
講開又講, 近排"全民皆股", 全公司大部分既同事對此都已經進入瘋狂狀態!! 見佢地按keyboard上面d數目字仲多過d敬文字就知啦!! 不過, 唔好睇小股票既威力, 佢除左可以令你係呢個遍地黃金既股市上執返兩水, 佢仲可以促進人與人之間既關係, 唔係講笑, 公司原先各不相關干的同事們, 平日絕少相關往來, 真係話不投機半句多, 但都因為近日股風熱棘帶動下, 大家都得閒冇事就企起身吹兩水!! 講下呢隻股唔得, 個隻就一定賺呀!! 幾時係高位!! 點解仲趺緊!! 走唔走得切!!!我呢d係全面經濟復蘇之下仍未能得到任何受惠既小蟻民黎講, 好明顯真係插唔到d咩咀, 因為佢地成日都開口埋口都係講d No. (股票代號), 鬼識咩!! 唉, 成日見到佢地圍埋一團, 係度講下呢隻應該幾時放, 個隻你又入左未!! 早左放, 賺少左成千, 云云!! 我呢d人十分認同"吃不的葡萄是酸的", 邪念就立即走出黎, 我成日都係度諗, 唔知個市幾時會冧, 到時個市一冧, 睇下你班友仔仲會唔會咁多聲氣呀啦! wahahah~~
8 comments:
你咪開個account買下囉...上網果d,轉數用pps,internet banking都得,預一兩萬玩下咁囉
你都應該等佢跌番d,因為冧就未係時候冧落去住,低d時買番d比較優質既,放埋一邊當儲錢
依家d人炒股,最大問題出出入入個市太多,係賭錢而非投資,你就唔好見人做就跟人做,又或者懶有性格唔做,呢d時候就係講你有無獨立思考,應該為自己增值而做,唔係為跟人而做
阿榮: 妖...你慳d啦...你自己咪又係學人係度玩緊...預一, 二萬, 但係家陣我個戶口得返$14.8左喎!! 點玩呀~~
你又搞錯,97年既股市我已經參與其中,只係之後離開左市場
依家想買想D長線D既野,你不妨係GOOGLE搵下"萬科,劉元生"既故仔,先至係一個真正投資者應做既事
阿榮: 仲唔俾我批到, 家陣個市瀉到high high!!! wahhhahah!!
你呢d成日道聽途說, 講埋d歪理的, 好明顯, 你都係個d羊先羊太個類人黎架啦!!
呢個世界就好奇,永遠有d人係日日都話,個市咁升法,今日股災喇,日日咁講,到股災果日,就同人講,你睇我幾勁,批中喇
你又唔駛同我擔心,羊生羊太買果d係毫股仙股,我揀既並非呢d,優質股票影響唔大,同埋你講呢d野就要睇下新聞發生緊乜事,因乜事跌,你呢d無知之輩,以為股票只有日日升,跌一兩日就話股災
勸你有心玩就多d留意,無心玩就唔好吹水喇,費時比你天台班人笑啦,呵呵呵
阿榮: 肥仔, 近排你得閒左好多喎, 多左上黎留言!!! 仲有, 我又冇話係股災, 我係講個市冧左姐, 我當然唔會好似人地咁張揚四圍唱啦, 我知自己係呢方面都唔係咩專家, 自己都係吹兩水姐!!
肥仔, 咩優質股呀...你都係收皮啦!! 你條友仔咪鬼成日係office睇樓市先得架, 買左部PS3先諗其他野啦!!
你小心，唔好俾你d同事知你咒林市~唔係就.............
naomi: 唔怕, 我死都要攪住一齊死, wahhahah!!!
Post a Comment