藥煲

枱面d藥都係佢地!!! 真誇張~~~

呢幾日天氣轉變得幾大下, 再加上上星期日因為大不良生日既關係, 去左迪迪尼玩左一日慶祝, 從而感染到風寒, 前晚兩位大小不良終於頂唔順要一齊去睇醫生!! 前晚一返屋企就見到係枱面一袋二袋, 嘩, 全部都係藥黎架!! 咁鬼多既, 唔講以為佢地生Cancer, 兩隻野夾埋食咁鬼多藥, 呢一代d小朋友真係誇張, 病兩下就要食咁鬼多藥!!

另, 開頭講過大不良於上星期日去迪迪尼玩, 老媽都有去, 聽老媽講, 佢前前後後已經去過迪迪尼玩過3次啦!! 我真係比較out啦, 除左近日因為工作關係, 坐車入去愉景灣時路經迪迪尼門面之外, 真係一次都未去過, 不過都係算罷, 家陣香港的迪迪尼咁鬼死細, 都係等佢擴大左之後先去啦!!! (果然吃不到的葡萄是酸的~~~)